سەرۆکی لیژنەی داوەرانی فیلمی کەن هێرشی کردە سەر ترامپ

سەرۆکی لیژنەی داوەرانی ئەم خولەی فێستیڤاڵی فیلمی کەن (٢٠١٩) لە پرێس کۆنفراسی بەر لە کرانەوەی فێستیڤاڵ، ترامپی بە سیاسەتوانێک وەسف کرد کە خەریکە پەرە بە هزر و بیری پارانۆیایی خۆی دەدات.

بە ڕاپۆرتی ئاژانسی هەواڵی مێهر بە گێرانەوە لە ڤێنیتی فێر، ئەلخاندرۆ ئیناریتۆ دەرهێنەری ئەمریکای لاتین و بەرپرسی لیژنەی داوەرانی ئەم خولەی فێستیڤاڵی فیلمی کەن لە پرێس کۆنفڕانسی کرانەوەی ئەم خولەی فێستیڤاڵە ڕایگەیاند: سیاسەتوانانی وەک ترامپ خەریکن بە تووڕەیی و ڕقئەستووری حکوومەت دەکەن و حەقایەت هەڵدەبەستن و کارێک دەکەن کە خەڵک وەک حەقیقەت لە قسەکانیان بڕوانن. من سیاسەتوان نیم بەڵام وەک هونەرمەندێک دەتوانم بە دڵێکی کراوە پێتان بڵێم کە چ پرسگەلێک لەبارەی کۆچبەران لە ئارادایە. کێشەی سەرەکی نەزانین و پشتگوێ خستنە. خەڵکی بە سەرهاتی ئەوان نازانن و هەر بۆیە سیاسەتوانان بە ئاسانی دەتوانن هەڵیافریوێنن.

ایناریتو وتیشی: لە ویلایەتە یەکگرتووەکان یان مەکزیک کە هەست بە تەریک خرانی نەتەوەیی دەکرێت، خەڵکان تەنیا لە گەڵ هاوڕەگەزانی خۆیان پەیوەندی و هاوبیری دەکەن و ئەوە لە خۆیدا شتێکی مەترسیدارە، چونکە لەو کاتەدا چیتر بەها بە دیتران نادەین.

ئەو فیلمسازە جەختیشی کرد: دۆناڵد ترامپ بە هەر تویتێکی پەرە بە تەریک کەوتنی زیاتری خەڵکی و هزر و بیری پارانۆیایی خۆی دەدات.

News Code 26517

نیشانەکان

بۆچوونی ئێوە

You are replying to: .
  • 6 + 2 =