ڕێوڕەسمی ڕێز گرتن لە مامۆستا سابیر لە سنە بەڕێوەدەچێت

بە هەوڵی حەوزەی هونەری کوردستان، هاوکات لە گەڵ دەستپێکی هەفتەی مامۆستا لە رێوڕەسمێکدا رێز دەگیردرێت لە ساڵەها هەوڵ و تێکۆشانی مامۆستا موحەمەد سابیر سابیر.

بە ڕاپۆرتی ئاژانسی هەواڵی مێهر لە پێوەندییە گشتییەکانی حەوزەی هونەری کوردستان، ئەمین موردای سەرۆکی حەوزەی هونەر وێڕای ڕاگەیاندنی ئەو هەواڵی وتی: یەکێک لە یەکمایەتییەکانی حەوزەی هونەری ڕێز گرتن لە هونەرمەندانی بەناوبانگی پارێزگا و دەست خۆشی لە تەمەنێک  هەوڵ و تێکۆشانی ئەو ئازیزانە لە بوارە جیاوازەکانە.

ناوبراو زیادی کرد: هەفتەی مامۆستا دەرفەتێکی باشە بۆ ڕێز گرتن لە پلەی ئەو مامۆستا پایە بەرزە  و هەر بەو بۆنەوە چوارشەممە ١١ ی گوڵانی ٩٨ لە سەروبەندی ئەو ڕۆژە پیرۆزانە هەلێک ڕەخسا تا لە کاتژمێر ١٧ لە ڕێوڕەسمێکدا بە ئامادە بوونی هونەرمەندانی بەرچاو لە ئاستی پارێزگا و ئێران و بەرپرسان و قوتابیانی مامۆستا سابیر سابیر ڕێز لە هەوڵ و تێکۆشانی ئەو هونەرمەندە بەرچاوە دەگیردرێت.

ناوبراو بە ئاماژە بە بەشداری ئەنجومەنی خۆشنووسانی نووسینگەی سنە لە ئەو رێوڕەسمە، زیادی کرد: پێش لە بەڕێوە چوونی ئەو ڕێوڕەسمە پیشانگای خۆشنووسی مامۆستا موحەمەد سابیر سابیر لە گاری سوورەی پەردیسی سینەمایی بەهمەنی سنە دەکرێتەوە.

News Code 26252

نیشانەکان

بۆچوونی ئێوە

You are replying to: .
  • 9 + 1 =