هیچ داخوازییەک بۆ دانوستان لە گەڵ ئەمریکا لە ئارادانییە

وتەبێژی وەزارەتی دەرەوە وتی: هیچ داخوازییەک بۆ دانوستان لە گەڵ ئەمریکا لە ئارادانییە و سەبارەت بە عەرەبستان جگە لە پرسی هاوپەیوەند بە حەجەوە کە بە پێی ڕێککەوتنەکان لە پرسی و پەیوەندیی سیاسی جودا کراوەتەوە، هیچ جۆرە دانوستانێکمان نییە.

بە ڕاپۆرتی ئاژانسی هەواڵی مێهر، سەید عەباس مووسەوی وتەبێژی وەزارەتی دەرەوە لە وەڵامی ئیدعای هندێک لە میایە دەرەکییەکان سەبارەت بە داخوازیی ئێران بۆ دانوستان لە گەڵ ئەمریکا و دەسپێکی دانوستانەکانی ئێران و عەرەبستانی سعوودی، ئەو جۆرە ئیدعاگەلەی بێ بنەما و هەڵە زانی و ڕایگەیاند: هیچ داخوازییەک بۆ دانوستان لە گەڵ ئەمریکا لە ئارادانییە و سەبارەت بە عەرەبستان جگە لە پرسی هاوپەیوەند بە حەجەوە کە بە پێی ڕێککەوتنەکان لە پرسی و پەیوەندیی سیاسی جودا کراوەتەوە، هیچ جۆرە دانوستانێکمان نییە.

مووسەوی ڕاشیگەیاند: سیاسەتی ڕاگەیێندراو و کردەیی کۆماری ئیسلامیی ئێران لەبارەی دراوسێکان تەواو ڕوون و داڕێژراو لە سەر بنەمای ڕێزگرتنی بەرامبەر، دراوسێتی شیاو، ئاشتیانە و هاوڕێ لە گەڵ هاوکاری و گفتوگۆی بەرامبەرە و هەموو ئەو دراوسێیانەی ئێران کە واقع بینانە، ڕاستییەکان و گۆڕانکارییە ناوچەیی و جیهانییەکان لە بەرچاو دەگرن، لە یەکەمایەتیی پەیوەندیی سازێنەری وێرای ڕێزگرتنی بەرامبەرن.

وتەبێژی وەزارەتی دەرەوەی ئێران لە درێژەدا وتی: عەرەبستانی سعوودی وڵاتێکی گرینگ لە ناوچەدا کە لە ساڵانی ڕابردوودا کەوتە ئاراستەیەکی نەشیاو بە ڕەوتێکی نەگونجاو و هەر ئەوەش قەیران و کێشە و گرفتی زۆری لە ناوچەدا دروست کرد.

ناوبراو هیوایشی خواست، عەرەبستان بگەڕێتەوە ئاراستەی خێرخوازیی ڕاستبێژانە بۆ گەلانی ناوچە و لەو بارودۆخەدا کۆماری ئیسلامیی ئێران وەک هەمیشە لە چوارچێوەی هاوکارییە ناوچەیی و دوو قۆڵییەکان ئامادەی هاوکاری لە گەڵ ئەو وڵاتەیە.

News Code 26244

نیشانەکان

بۆچوونی ئێوە

You are replying to: .
  • 8 + 10 =