پەیوەندی ئێران و پاکستان بە پێچەوانەی خواستی دوژمنان دەبێ تۆکمەتر بێت

ڕێبەری باڵای ئێران لەدیدارلەگەڵ سەرۆک وەزیرانی پاکستان جەختیان کرد کە دەبێ پەیوەندی نێوان تاران و ئیسلام ئاباد بە پێچەوانەی خواستی دوژمنان زۆر تۆکمەتر بێتەوە.

  بە ڕاپۆرتی ئاژانسی هەواڵی مێهر، ئایەتوڵڵا خامنەیی، ڕێبەری باڵای ئێران ئێوارەی ئەمڕۆ دووشەمە لە دیدار لەگەڵ سەرۆک وەزیرانی پاکستان و وەفدی هاوڕێی کە سەردانی تارانیان کردووە، ڕایانگەیاند کە دەبێ ئێران و پاکستان پەیوەندییەکانیان بەهێزتر بکەنەوە.

ئایەتوڵڵا خامنەیی لەم دیدارەدا بە ئاماژە بە پێشینەی مێژوویی پەیوەندییەکانی دوو وڵات، زیادیان کرد: لووتکەی سەربەرزی و شکۆی شێوە بەژی هیند لە سەردەمی حکوومەتی موسڵمانان دا بووە و گەورەترین گورزی چەوسێنەرانی بریتانیایی لەم ناوچە گرینگە، لە ناو بردنی شارستانیەتی بەرجەستەی ئیسلامی بوو.

ڕێبەری بە یادکردنەوەی کەسایەتییە گەورەکانی پاکستان لەوانە ئێقباڵ لاهووری و محەمەد عەلی جەناح، وتیان: پەیوەندی باش، لە بەرژەوەندی هەر دوو وڵاتە بەڵام ئەم پەیوەندییانە دوژمنی جیدیان هەیە کە دەبێ بە پێچەوانەی خواستی ئەو دوژمنانە، هاوکاری و پەیوەندییەکان لە بەشە جۆراوجۆرەکاندا بەهێزتر بکرێتەوە.

 هەروەها ئاماژەیان دایە پرسە ئەمنییەکان لە سنوورەکانی دوو وڵات و ڕاشیانگەیاند: گرووپە تیرۆریستییەکان کە هۆکاری نائەمنی لە سنوورەکانن بە چەک و پارەی دوژمنان تەیار دەبن و یەکێک لە ئامانجەکانی جووڵە دژە ئەمنییەکان لە سنووری ئێران و پاکستان، لێڵ کردنی پەیوەندییەکانی دوو وڵاتە.

 لەم دیدارەدا کە ڕۆحانی سەرۆک کۆماری ئێرانیش بەشدار بوو، عومران خان، سەرۆک وەزیرانی پاکستان، رایگەیاند کە دانوستانەکانی لە تاران باش بووە و وتیشی: لەم دانوستانانەدا هەندێ پرس چارەسەر کراون و وەزیرانی پاکستانی لەگەڵ هاوتا ئێرانییەکانیاندا دانوستانی باشیان بووە.

News Code 26161

نیشانەکان

بۆچوونی ئێوە

You are replying to: .
  • 9 + 5 =