ترامپ بە گەمارۆی سوپا یارمەتی هەڵبژاردنی گەیاندە نتانیاهۆ

کارناسی پرسی نێودەوڵەتی وتی: گەمارۆی سوپای پاسدارن لە لایەن ئەمریکا، یارمەتییەکی دیکەی ترامپە بۆ نتانیاهۆ هەتا لە هەڵبژاردنەکانی فەلەستینی داگیرکراودا سەرکەوێت.

دوئاد ئیزەدی کارناسی پرسی نێودەوڵەتی لە لێدوانێک بۆ هەواڵنێری ئاژانسی مێهر، سەبارەت بە پلانی گەمارۆی سوپا لە لایەن ئەمریکاوە ڕایگەیاند: لە ئەمریکا دوو لیستی گەمارۆ هەن کە یەکیان تایبەت بە وەزارەتی خەزێنەیە و ئەوی دیکەیان تایبەتە بە وەزارەتی دەرەوە.

ناوبراو بە ئاماژە بە گەمارۆدرانی سوپا لە ئەگێستی ٢٠١٧ لە ژێر ناوی یاسای کاتسا لە لایەن وەزارەتی خەزێنەی ئەمریکا، وتی: پرسی تۆمار کرانی ناوی سوپا لە لیستی گرووپگەلی تیرۆریستی هەنگاوێکی نوێ نییە و ئەوڕۆکە قسە لەوەیە کە ناوی سوپا بخرێتە لسیتی گەمارۆگەلی وەزارەتی دەرەوەی ئەمریکا و ئەوەش لە خۆیدا شتێکی گرینگ نییە.

ئەو کارناسەی پرسی نێودەوڵەتی وتیشی: لیستی گەمارۆگەلی وەزارەتی خەزێنە زۆر بەهێزتر و شلگێرانەترن و لە ١١ی سێپتامبری ٢٠٠١ەوە ئامادە کراوە. لە لایەکی دیکەوە لیستی گەمارۆکانی وەزارەتی دەرەوەی ئەمریکا بۆ بابەتی دەرکردنی ڤیزایە، کەواتە بە لیستێکی زۆر بە هیز و گرینگ نایەتە ئەژمار.

ئیزەدی ئاماژەی بەوەش دا: ساڵی ٢٠٠٧ هێزی قودسی سوپا خرایە لیستی گەمارۆکانی وەزارەتی خەزێنە و ساڵ و نیوێک لەوە پێشیش ناوی سوپا لەو لیستە تۆمار کرا؛ کەواتە خستنە ڕووی ئەو مژارە زۆرتر بە مەبەستی بانگەشەیی و پڕۆپاگەندەیە، چونکە ئەوان هەرچی ویستوویانە لە دژی سوپا ئەنجامیان داوە.

ناوبراو بە ئاماژە بەوەی کە سوپا ئەگەرچی کەوتۆتە ژێر گوشار و تەنگەژەوە، بەڵام بەردەوامە لە هەنگاوەکانی خۆی، ڕایگەیاند: ئەوی کە بۆچی لەم قۆناغەی ئیستادا پرسی تۆمار کرانی ناوی سوپا لە لیستی گەمارۆکان دەخرێتە بەرباس، بە هۆی شکستی ئەوان لە سیاسەتەکانیان لە دژی ئێرانە.

ئەو کارناسە جەختی کرد: مەبەست لە شکستی سیاسەتگەلی ئەمریکا لە دژی ئێران ئەوەیە کە ئامانجی کۆتایی ئەوان لە داسەپانەندنی سیاسەتگەلی گەمارۆ و گوشار ڕووخاندنی نیزام بووە و بە ئامانجی خۆیان نەگەیشتوون؛ ئەگەرچی گەمارۆکان هەندێک تەنگەژەیان بۆ ئێمە بە دواوە بووە.

ئیزەدی لە کۆتاییدا ڕاشیگەیاند: ڕەنگە ورووژاندنی پرسی تۆمار کرانی ناوی سوپا لە لیستی گەمارۆگەلی ئەمریکا، یارمەتییەکی دیکەی دەوڵەتی واشنتۆن بە نەتانیاهۆ بێت هەتا لە هەڵبژاردنەکانی ئیسرائیل لە فەلەستینی داگیرکراودا سەرکەوێت.

News Code 25924

نیشانەکان

بۆچوونی ئێوە

You are replying to: .
  • 2 + 1 =