گیان له‌ ده‌ست دانی ۷۳ ئاواره‌ی سووری له‌ که‌مپی هول

به ڕاپۆرتی ئاژانسی مێهر له‌ ئه‌لنه‌شره‌، ڕێکخراوی جیهانی ته‌ندروستی ڕایگه‌یاند که‌ له‌ که‌مپی ئاواره‌کانی هول له‌ سووریا ۷۳ که‌س گیانیان له‌ ده‌ست داوه‌ که‌ زۆربه‌یان منداڵ بوون.

ئه‌م ڕێکخراوه‌یه‌ زیادی کرد: له‌ میانه‌ی ۳ مانگی ڕابردوو زیاتر له‌ ۳۷ هه‌زار که‌س که‌ زۆربه‌یان ژن و منداڵ بوون به‌ هۆی ڕاکردن له‌ پارێزگای ده‌یره‌زوور چوونه‌ته‌ که‌مپی هول له‌ حه‌سه‌که‌ و تاکوو ئیسته‌ ۷۳ که‌سیان به‌ هۆی نه‌بوونی ده‌رمانی پێویست مردوون که‌ زۆربه‌یان منداڵ بوون.

له‌ درێژه‌دا هاتووه‌: زۆربه‌ی منداڵه‌کان به‌ هۆی سه‌رما له‌ کاتی گواستنه‌وه‌ بۆ ئه‌م که‌مپه‌ مردوون، نزیک به‌ ۴۷ هه‌زار که‌س له‌م که‌مپه‌دا جێگیر بوون و ئه‌مه‌ش که‌مپه‌که‌ی قه‌ره‌باڵغ کردووه‌ بڕێک له‌ ئاواره‌کان نه‌یتوانیوه‌ له‌ خه‌یمه‌کاندا جێگیر بن.