ده‌نگدان به‌ ۸ وه‌زیری کابینه‌ی ده‌وڵه‌تی عێراق دوا خرا

سه‌رۆک وه‌زیرانی عێراق ڕایگه‌یاند که‌ ناکۆکی و ده‌نگ و هه‌رای ناو هۆڵی پارلمان ڕێگه‌ی نه‌دا تاکوو ده‌نگ به‌ ۸ وه‌زیریه‌ پێشنیارکراوه‌که‌ی بدرێت.

به‌ ڕاپۆرتی ئاژانسی مێهر له‌ کاناڵی سومرییه‌، عادڵ عه‌بدولمه‌هدی، سه‌رۆک وه‌زیرانی عێراق ڕایگه‌یاند که‌ ناکۆکی و ده‌نگ و هه‌رای ناو هۆڵی پارلمان ڕێگه‌ی نه‌دا تاکوو ده‌نگ به‌ ۸ وه‌زیریه‌ پێشنیارکراوه‌که‌ی بدرێت.

له‌ لایه‌کی دیکه‌وه‌ نوری مالکی داوای له‌ هه‌موو گرووپه‌ عێراقییه‌کان کرد تاکوو ناکۆکییه‌کانی خۆیان وه‌لابنێنن و ناڕه‌زایه‌تی خۆی له‌ کۆبوونه‌وه‌ی دوێنێی پارلمان ڕاگه‌یاند.

مالکی وتی: ئه‌وه‌ی له‌ پارلمان ڕوویدا شکستێکی مه‌ترسیدار و جێگه‌ی داخ بوو که‌ به‌ ڕوونی ده‌ست گرتن به‌ سه‌ر داواکارییه‌کانی خه‌ڵکی عێراقی پێوه‌ دیار بوو.

شایانی باسه‌ که‌ عادڵ عه‌بدولمه‌هدی دوای به‌شداری له‌ کۆبوونه‌وه‌ی پارلمان به‌ هۆی ناکۆکی و شه‌ڕه‌ قسه‌ی پارلمانتاره‌ عێراقییه‌کان هۆڵه‌که‌ی به‌جێهێشت و ده‌نگدان به‌ ۸ وه‌زیره‌که‌ی بۆ کۆبوونه‌وه‌ی داهاتوو دواخرا.

News Code 23446

نیشانەکان

بۆچوونی ئێوە

You are replying to: .
  • captcha