بە ڕاپۆرتی ئاژانسی هەواڵی مێهر بە گێڕانەوە لە "السومریه نیوز"، مەحفووز تەمیمی بەرپرسی ئەنجومەنی پارێزگاریی کەربەلا ڕایگەیاند کە چوونی ١٥ ملیۆن زیارەتکاری حسێنی بە کەربەلای پیرۆز تۆمار کراوە و لەو ژمارە ٤ ملیۆن زیارەتکاریان خەڵکی دەرەوەی عێراقن کە زۆربەیان ئێرانین.
ڕاشیگەیاند: پارێزگاریی کەربەلا لە پێناو خزمەت گەیاندن بە زیارەتکارانی حسێنی تەواو هەوڵی خۆیان خستۆتە گەڕ.
عەلی میالی جێگری پارێزگاری کەربەلاش رۆژی ڕابردوو ڕایگەیاندبوو کە ٣٠ هەزار هێزی ئاسایش دابین کردنی ئاسایشی ڕێوڕەسمی چلەی ماتەمینی حسێنی (دخ)یان لە ئەستۆیە و ٢١ هەزار ئۆتۆمبیل و کەرەسەی هاتووچۆ زیارەتکاران دەگوازێتەوە و ١٠ هەزار ناوەندی خزمەتگەیاندن خزمەتی زیارەتکاران دەکات.
بە وتەی ناوبراو ١٠٤ هەواڵنێری بیانی و ٦٧٠ هەواڵنێری ناوخۆیی عێراق هەواڵەکانی ڕێوڕەسمی چلەی ماتەمینی حسێنی ڕۆماڵ دەدەن.
Your Comment