بە ڕاپۆرتی ئاژانسی مێهر لە ئەلنەشرە، ماڵپەڕی میدل ئیست ڕایگەیاند کە ۷ کەس لە هێزە ئەمنییەکانی عەرەبستان لە کوشتنی جەماڵ حاشقجی دەستیان بووە کە بەشێک بوون لە پاسه‌وانه‌کانی بن سەلمان.
لە درێژەدا هاتووە: میدل ئیست دەستی بە بڕێک بەڵگەی هەواڵگری عەرەبستان گەیشتووە کە ماهر موترب لە کوشتی خاشقجیدا هەماهەنگییەکانی کردووە. ئەو لە کەسە نزیکەکانی بن سەلمانە.
بە پێی ئەم ڕاپۆرتە، لە ۱۹ پەیوەندی تەلەفۆنی ماهر موترب لە ڕۆژی ڕووداوەکە، ئەو چوار جاریان لەگەڵ باڵوێزخانەی عەرەبستان لە ئەستەنبۆڵ قسەی کردووە.
شایانی باسه که خاشقجی ۵۹ ساڵان دوای سه‌ردان بۆ باڵوێزخانه‌ی سعوودییه له ئه‌سته‌نبۆڵ بێ سه‌ر و شوێن کرا، پۆلیسی تورکیا ڕایگه‌یاندووه که خاشقجی له باڵوێزخانه‌ی عه‌ره‌بستان دوای ئه‌شكنجه‌دان کوژراوه.
دواجار ته‌رمه‌که‌ی ئەنجن ئەنجن کراوه و له ناوچه‌یه‌کی شاری ئه‌سته‌نبۆڵ فرێ دراوه.
Your Comment