ڕێگری دەکرێت لە هاتنی هێزی بیانی بۆ ده‌ریای خه‌زه‌ر

وه‌زیری ده‌ره‌وه‌ی ئێران وتی: له‌ کۆبوونه‌وه‌ی وه‌زیرانی ده‌ره‌وه‌ی وڵاتانی ده‌ریای خه‌زه‌ر، ڕێککه‌وتن کرا که‌ ته‌نیا هێز و که‌شتی وڵاتانی ناوچه‌که‌ له‌م ده‌ریایه‌ بوونیان هه‌بێت و هاتنی بیانییه‌کان قه‌ده‌غه‌یه‌.

به ڕاپۆرتی ئاژانسی مێهر، کۆ بوونه‌وه‌ی وه‌زیرانی ده‌ره‌وه‌ی وڵاتانی سه‌ر ده‌ریای خه‌زه‌ر له‌ قه‌زاقستان ده‌ستی پێ کرد.

محه‌مه‌د جه‌واد زه‌ریف، وه‌زیری ده‌ره‌وه‌ی ئێران له‌م کۆ بوونه‌وه‌ وتی: له‌ سێبه‌ری خواستی وڵاتانی سه‌ر ده‌ریای خه‌زه‌ر که‌شێکی ئارام به‌ سه‌ر کۆ بوونه‌وه‌که‌ زاڵه‌ و لە ئان و ساتی واژۆ کردنی ڕێککه‌وتنێکی گرنگ له‌ نێوان ئه‌م وڵاتانه‌ین.

ئه‌و زیادی کرد: ۲۱ ڕۆژ به‌ر له‌ ئێستا ڕێککه‌وتنی ژینگه‌یی ئیا ( EIA) واژۆ کرا. ئه‌م ڕووداوانه‌ هیوابه‌شن. واژۆ کردنی ئه‌م ڕێککه‌وتنه‌ کۆتایی به‌ ۲۱ ساڵ دانوستان له‌ نێوان ئه‌م وڵاتانه‌ سه‌باره‌ت به‌ ده‌ریای خه‌زه‌ر دێنێت. هه‌ڵبه‌ت ئه‌مه‌ ده‌ست پێ کردنی لێکتێگه‌یشتنێکی گشتگیره‌ و دانوستانه‌کانی دیکه‌ش به‌ڕێوه‌ ده‌بێت تاکوو ڕێککه‌وتنه‌ نوێکانیش بکرێت.

زه‌ریف درێژه‌ی دا: ئه‌م ڕێککه‌وتنه‌ هێشتا سنووره‌کانی ڕوون نه‌کردووه‌ته‌وه‌ له‌مباره‌وه‌ پێویستمان به‌ ڕێککه‌وتنی دیکه‌ هه‌یه‌، به‌ڵام له‌ ڕێککه‌وتنه‌ جه‌خت کراوه‌ که‌ هیچ جۆره‌ هێز و که‌شتییه‌کانی وڵاتانی بیانی نابێت له‌ دریای خه‌زه‌ر ئاماده‌ بن و ئه‌مه‌ش ده‌ستکه‌وتێکی گه‌وره‌یه‌.

News Code 20943

نیشانەکان

بۆچوونی ئێوە

You are replying to: .
  • 2 + 2 =