دەوڵەتی عێراق  دەبێ بە بڕیاری نیشتیمانیی پێک بێت

سەرۆکی ڕەوتی حیکمەی نیشتمانی عێراق لە میانەی دیدار لە گەڵ نوێنەری تایبەتیی ڕێکخراوی نەتەوە یەکگرتووەکان لە کاروباری ئەو وڵاتەدا وتی: دەوڵەتی داهاتووی عێراق دەبێ لە بە پێی بڕیاری نیشتمانی و بە دوور لە ناکۆکی و ئاژاوە ناوچەیی و نێونەتەوەییەکان پێک بێت.

بە ڕاپۆرتی ئاژانسی هەواڵی مێهر بە گێڕانەوە لە نووسینگەی ڕاگەیاندنی ڕەوتی حیکمەی نیشتمانی، یان کوبیش نوێنەری تایبەتیی ئەمینداری گشتیی ڕێکخراوی نەتەوە یەکگرتووەکان لە کاروباری عێراق، بە ئامادەبوون لە نووسینگەی ڕەوتی حیکمەی نیشتمانی لە گەڵ سەید عەمار حەکیم سەرۆکی هاوپەیمانی نیشتمانی شیعەکانی عێراق و سەرۆکی ڕەوتی حیکمەی نیشتمانیی ئەو وڵاتە دیدار و گفتوگۆی کرد.

بە گوێرەی ئەو هەواڵە، کوبیش و عەمار حەکیم لەو دیدارەدا دوا گۆڕانکارییەکانی سیاسیی عێراق و رۆژهەڵاتی ناڤین، ئەنجامی هەڵبژاردنەکان و پێکهاتنی دەوڵەتی دەوڵەتی داهاتووی ئەو وڵاتەیان وەک گرینگترین رۆژەڤەکانی عێراق لێک دایەوە و تاوتوێ کرد.

سەید عەمار حەکیم بە ئاماژە بە گرینگیی پێکهاتنی دەوڵەتی نیشتمانی، خزمەتکار و لێهاتوو بۆ وەدی هێنانی داخوازییەکانی گەلی عێراق، جەختی لە زەروورەتی پێکهاتنی ئەو دەوڵەتە بە پێی بڕیاری نیشتمانی و بە دوور لە ئاژاوە و ناکۆکیگەلی ناوچەیی و نێودەوڵەتی کرد.

ناوبراو وتیشی: دەبێ لە دەرفەتەکانی پاش هەوڵی دیموکراتیکی ئەم دواییە بەهرە ببەین، بۆ ئەوەی عێراق لە قەیران ببەینە دەرێ و داخوازیی هاووڵاتیانی عێراقی وەدی بێنین.

سەرۆکی ڕەوتی حیکمەی نیشتمانی داوای لە ڕێکخراوی نەتەوە یەکگرتووەکانیش کرد کە بە بەهرە وەرگرتن لە ئەزموون و ئیمکاناتی خۆی، پاڵپشتی لە دەوڵەتی داهاتووی عێراق بۆ وەدی هێنانی ئامانجگەلی وەک خزمەت گەیاندن، سڕینەوەی گەندەڵی و بنیاتنانەوەی سیستەمی ئیداریی ئەو وڵاتە بکات.

News Code 18984

نیشانەکان

بۆچوونی ئێوە

You are replying to: .
  • 9 + 4 =