عه‌بادی سپاسی ئایه‌توڵڵا سیستانی کرد

سەرۆك وەزیرانی عێراق پێشوازی کرد لە هەڵوێستەكەی ئایه‌توڵلا سیستانى مەرجەعى باڵای شيعەکان لە عێراق، لەبارەی کۆکردنەوەى چەک تەنیا لەدەستى دەوڵەتدا.

به‌ ڕاپۆرتی ئاژانسی هه‌واڵی مێهر، نووسینگەی رۆژنامەوانی عەبادی، لە ڕاگەیەنراوێکدا سوپاس و پێزانینی حەیدەر عەبادى ئاراستەی مەرجەعى باڵای شیعەکان کردووە سەبارەت بە هەڵوێستەكانی بۆ بەرگریكردن لە یەكێتی و ئاسایشی گەلی عێراق لە قۆناغى دوای داعشدا.

ئاماژەى بەوەشکردووە، پێشوازى دەکەن لە بانگەوازى خراپ بەکارنەهێنانى خۆبەخش و چەکدارانى حەشدى شەعبى لە ڕووى سیاسی و دورخستنەوەی دامەزراوە ئەمنییەکان لە کارى سیاسیى.

لە ڕاگەیەنراوەکەى نوسینگەى عەبادیدا، جەخت لەوەشکراوەتەوە کە دەبێت چەك تەنها بە دەست دەوڵەتەوە بێت و لەو بارەیەشەوە دەست بە جێبەجێكردنی بڕیارەکە کراوە.

ئەوە لەکاتێکدایە دوێنێ، عەبدولمەهدى کەربەلایی، نوێنەری مەرجەعی باڵای شیعەکان لە وتاری هەینیدا، ڕایگەیاند دەبێت سەرجەم ئەو هێزانەى عێراق، کە بەشداری شەڕی داعشیان کردووە، لە چوارچێوەى دەزگایەکى ئەمنیی دا کۆبکرێـنەوە و چەکیش بە دەستى دەوڵەتەوە بێت.

News Code 15264

نیشانەکان

بۆچوونی ئێوە

You are replying to: .
  • 6 + 10 =