سوپای توركیا هاتە ناو خاكی هەرێمی كوردستان

بەڕێوەبەری ناحیەی سیدەكان ڕایگه‌یاند که‌ سوپای توركیا بە قووڵایی شەش كیلۆمەتر هاتووەتە ناو خاكی هەرێمی كوردستانەوە.

به‌ ڕاپۆرتی ئاژانسی هه‌واڵی مێه، ئیحسان چەلەبی، بەڕێوەبەری ناحیەی سیدەكان، لە لێدوانێكی تایبەتدا بە خەندان-ی ڕاگەیاند: " ئەو حاڵەتە شەوی ڕابردوو كاتژمێر ۱۲:۱۵ خولەك ڕوویداوە، بیانووی توركیا بۆ بەزاندنی خاكی هەرێمی كوردستان بوونی چەكدارانی پارتی كرێكارانی كوردستان (پەكەكە) یە".

ئاماژەشیكرد بەوەی هەر لە سەعات حەوتی ئێوارەوە هەتا كاتژمێر ۱۲:۱۵ی شەو تۆپباران و بۆمبارانی فرۆكەكانی توركیا بەردەوامبوو، دواتریش لەڕێگای سێ هێلیكۆپتەرەوە ژمارەیەك سەربازی توركیا لە ناوچەكە دابەزێنراون، بە تایبەتی لە نزیك گەلی ڕەش، بەمەبەستی ئەنجامدانی ئۆپەراسیۆنی سەربازی لەدژی گەریلاكانی پەكەكە.

جەختیشیكردەوە که‌ بەهۆی ئەوەی ئەو ناوچانە چۆڵكراون، و كەسی تێدا ناژی نازانرێت ئایا كوژراو و بریندار هەیە یان نا.

وتیشی: "ئێمە بەرپرسانی سەرەوەی خۆمان لەو هێرشانە ئاگادار كردووەتەوە، بەڵام ئەگەر پەكەكە لەو ناوچەیە نەبێت توركیا هەرگیز نایەتە ناو هەرێم كوردستانەوە."

News Code 15256

نیشانەکان

بۆچوونی ئێوە

You are replying to: .
  • 8 + 2 =