٢٤ هەزار کەم ئەندامی کوردستان لە ژێر چاوەدێری بێهزیستیدان

بەرپرسی گشتی بێهزیستی کوردستان بە ئاماژە بە چوونە سەرەوەی ڕێژەی کەم ئەندامانی ژێر ماڵەی بێهزیستی لە ئەو پارێزگایە، وتی: ئێستاکە زیاتر لە ٢٤ هەزار کەم ئەندام بە ئاستی کەم ئەندامی جیاوازەوە لە ژێر چاوەدێری ئەو ڕێکخراوەدان.

سەباح قورەیشی لە وتووێژ لە گەل هەواڵنێری مێهر بە ئاماژە بە جۆراجۆری خزمەتگوزارییەکان لە لایەن بێهزیستییەوە و هەوڵ بۆ یارمەتی بە کەم ئەندامان وەکوو یەکێک لە ئامانجە سەرەکییەکانی ئەو ڕێکخراوەیە وتی: ڕوانین بە کەم ئەندامان و هەوڵ بۆ توانا کردنەوەیان و کەڵک وەرگرتن لە بەستێن و تواناییەکانی ئەو چینە و لە هەمان پێوەندیدا خزمەتگوزاری جۆراجۆریش دەردێتە  کەم ئەندامان و تەنانەت بنەماڵەکانیشیان.

بەڕێوە بردنی گەڵاڵەی پشکنین لە ماڵەوەی کەم ئەندامان لە پارێزگای کوردستان

ناوبراو بە ئاماژە بە یەکێک لە بەرنامەکانی بێهزیستی پارێزگای کوردستان لە درێژەی خزمەتگوزاری بە کەم ئەندامان و بەساڵاچووان لە ماڵەوە ئاماژەی کرد و وتی: پشکنین لە ماڵەوە بریتی دەبێت لە پێشکەش کردنی خزمەتگوزاری بە کەم ئەندامانی جەستەیی، جووڵەیی، زەینی، بەساڵاچووان و نەخۆشە دەروونییەکان کە پشکنینی ئەو کەسانە لە لایەن گرووپی توانبەخشی لە ماڵەوە ئەنجام دەدرێت.

ناوبراو ئاماژەی دایە سەر ڕەوتی دەرکردنی کارتی کەم ئەندامی لە پارێزگای کوردستان لە ئەم ساڵدا و وتی: لە درێژەی بەڕێوە بردنی ئەو گەڵاڵەیە لە ئەمساڵدا زیاتر لە دوو هەزار و ٨٣٧ دۆسیە لە کۆمیسیۆنی پسپۆڕی هێنراوەتە ئاراوە و دوو هەزار کارتی کەم ئەندامیش بۆ ئەو کەسانە دەرکراوە کە مەرجەکانیان هەبووە.

قورەیشی راشیگەیاند: لە سەرەتای ئەمساڵەوە تا ئێستا زیاتر لە ٧٤ ملیار ڕیاڵ وامی بانکی لە درێژەی دروست کردنی بەستێنی هەڵی کار بۆ کەم ئەندامان و بنەماڵەکانیان ڕادەست کراوە کە چاوەڕوانی دەکرێت لە سێبەری هاوکاری باشتری بانکەکان ئەو ڕەوتە هەروا درێژەی هەبێت.

نابراو زیادی کرد: بە پێدانی ئەو ڕێژە وامە لە ئەمساڵدا ٧٧٢ کەیسی هەلی کار ڕەخساوە کە ئاڵبەت بە پێوشوێنگریی لە ئەو بوارەدا هەلی کار بۆ ئیش کردنی کەسە کەم ئەندامەکانلە لایەن ئیدارە و ڕێکخراوە دەوڵەتییەکانیشەوە ڕەخشاوە و دەتوانرێت ٣ لە سەدی دیاری کراو لە یاسای بوودجەی ئەمساڵ لە پارێزگا هاتووەتە دی.

News Code 15123

نیشانەکان

بۆچوونی ئێوە

You are replying to: .
  • 1 + 2 =