یانه‌ی رۆباتیکی کوردستان بووه‌ یه‌که‌می ئێران

به‌ ڕاپۆرتی ئاژانسی مێهر، یانه‌ی ڕۆباتی پارێزگای کوردستان دوای به‌شداری کردن له‌ ڕکابه‌رییه‌ سه‌رتانسه‌رییه‌کانی ئێران له‌ شاری مه‌شهه‌د، توانی له‌ ده‌ یانه‌ی دیکه‌ی ئێران بباته‌وه‌ و پله‌ی یه‌که‌م به‌ ده‌ست بێنێت.

به‌ پێی ئه‌م ڕاپۆرته‌، ۱۰ یانه‌ی دوو که‌سی له‌ به‌شه‌کانی شه‌ڕڤان، فوتباڵ، داهێنانی ڕێگه‌، تیشک، ڕاڵی و چاره‌سه‌ر کردنی ماز کێبه‌رکێیان کرد.

یانه‌ی ڕۆبانی کوردستان له‌ لایه‌ن ئیداره‌ی لاوانی پارێزگای کوردستان، ڕێکخراوی پیشه‌ و کانگا، ته‌له‌فیزیۆنی کوردستان، کانگای ئاڵتوونی ساری گۆنی، زانکۆی علمی کاربوردی و شاره‌وانی سنه‌وه‌ پشتیوانی لێکرابوو.

له‌ کۆتایی ئه‌م کێبه‌رکێیانه‌ یانه‌ی ڕوباتی کوردستان توانی پله‌ی یه‌که‌می ئێران به‌ ده‌ست بێنێت، له‌ سه‌ره‌تادا ۷۵۰ یانه‌ی ڕۆبات له‌ سه‌رتانه‌سه‌ری ئێرانه‌وه‌ به‌شداریان کرد و دواجار ۱۰ یانه‌ بۆ به‌شی کۆتایی هه‌ڵبژێردرا و له‌م نێوانه‌دا یانه‌ی کوردستان له‌و ۹ یانه‌ سه‌رکه‌تووه‌ی قۆناغی کۆتایش بردییه‌وه‌ و زیاترین خاڵی له‌ ئێراندا به‌ ده‌ست ‌هێنا.

شایانی باسه‌ که‌ کێه‌رکێی ڕوباتی ئێران بۆ ماوه‌ی ۵ ڕۆژ له‌ زانکۆی فرده‌وسی شاری مه‌شهد به‌ڕێوه‌ چوو.