شوناسی ئەنجامدەرانی ڕووداوە تیرۆریستییەکەی تاران ئاشکرا بوو

وەزارەتی ئیتلاعاتی ئێران لە بەیاننامەیەکدا شوناسی ئەنجامدەرانی هێرشە تیرۆریستیەکانی دوێنێ تارانی ڕاگەیاند.

بە ڕاپۆرتی ئاژانسی هەواڵی مێهر، وەزارەتی ئیتلاعاتی ئێران شوناسی ئەنجامدەرانی هێرشەکانی تارانی ئاسکرا کرد و ڕایگەیاند کە پێشتر ئەم کەسانە لە موسڵ و ڕەقە جەنایەتیان کردووە.

 دەقی بەیاننامەکە بەم  شێوە بڵاوکراوەتەوە؛

 بە خەڵکی بەشەرەفی ئێران رادەگەیێنین کە دوای ڕووداوە تیرۆریستیەکانی دوێنێ لە بینای پەرلەمان و مەزارگەی ئیمام خومەینی، شوناسی هێرشبەران و هەروەها شانە نووستووەکانی ئەم گرووپە ناسێندرایەوە.

ئەو گرووپە تیرۆریستیە کەدوێنێ لە تاران هێرشیان کردە سەر پەرلەمان و مەزارگەی ئیمام؛ ۵ کەس بوون لە ئەندامانی گرووپە وەهابی و تەکفیرییەکان کە تەڤلی گرووپە تیرۆریستی داعش بوون و لە وڵاتە چووبوونە دەرەوە و لە موسڵ و ڕەقە جەنایەتیان کردبوو.

 ئەم کەسانە خەرمانانی ساڵی ڕابردوو لە قەبارەی گرووپێکی تیرۆریستی و بە فەرماندەیی ئەبوو عایشەی تیرۆریست لە فەرماندە باڵاکانی داعش، هاتبوونە ناو وڵات و دەیانەویست کاری تیرۆریستی لە شارە مەزەبییەکانی ئێران بکەن کە تێکشکێندران و سەرکردەکەیان کوژرا و  ئەمانەش هەڵاتن.

ئێستاش بە هۆی ڕچاوکردنی هەندێ تێبینی کۆمەڵایەتی و ئەمنی ناوی بنەماڵەیی ئەم تیرۆریستانە بڵاو ناکرێتەوە.

 ناوی ئەم پێنج تیرۆریستە بەم شێوە بڵاو کراوەتەوە؛ ڕامین ، سریاس ، فەرەیدون ، قیوم و ئەبوجەهاد.

News Code 10555

نیشانەکان

بۆچوونی ئێوە

You are replying to: .
  • 4 + 2 =