بە ڕاپۆرتی ئاژانسی هەواڵی مێهر، سەرچاوە ئاگادارەکان ڕایانگەیاند کە تیرۆریستان لە ژێر فەرماندەیی ئەبوو محەممەد ئەلجولانی لە تیرۆری زانای ناوداری سووری حەسان ئیبراهیم دەستیان هەبووە.
ئەوان ڕایانگەیاند: ئەم زانا دیارە عەلەوی بووە و ڕوونە کە تیرۆرکردنی لەسەر بنەمای پاڵنەری تائیفی بووە. ئەم تاوانە تووڕەیی بەربڵاوی لە نێوان چین و توێژە جیاجیاکانی نەتەوەی سووریادا دروست کردووە، چونکە حەسان ئیبراهیم پێگەیەکی باڵای ئەکادیمی هەبووە.
ئەم سەرچاوانە ڕوونیان کردەوە: تیرۆریستانی سەر بە جۆلانی هیچ کاردانەوەیەکیان بەرامبەر بە تیرۆرکردنی ئەم زانایە نیشان نەداوە، ئەمەش گومانەکانی زیاتر کردووە.
دوێنێ سەرچاوە ناوخۆییەکان بە تۆڕی ئەلمەیادینیان ڕاگەیاند: دکتۆر حەسان ئیبراهیم مامۆستای پەیمانگای توێژینەوەی زانستی لە دیمەشق پێنج ڕۆژ لەمەوبەر لە شوێنی کارەکەی ڕفێندراوە.
دانیشتوانی شارۆچکەی مەعرەبە لە گەڕەکی دیمەشق تەرمی ئەو زانایە سوورییەیان دۆزییەوە کە چەندین گولەی پێوەنراوە.
Your Comment