بە ڕاپۆرتی ئاژانسی هەواڵی مێهر، سەرکردەیەکی بزووتنەوەی حەماس لە چاوپێکەوتنێکدا لەگەڵ تۆڕی ئەلمەیادین جەختی لەوە کردەوە کە زیندانیانی حیزبوڵڵای لوبنان لەگەڵ ئەوانەی لە دوای 7ی ئۆکتۆبەر دەستبەسەر کراون، لە قۆناغی دووەمی ڕێککەوتن لەگەڵ ڕژێمی ئیسرائیل ئازاد دەکرێن.
ئاماژەی بەوەشکرد: لە قۆناغی یەکەمدا ئەو زیندانیانەی پێش ئۆپەراسیۆنی گەردەلوولی ئەقسا سزادراون و لە ناوەندەکانی دەستبەسەرکردنی ئیسرائیلدا ڕاگیراون، ئاڵوگۆڕ دەکرێن.
سەرکردەی فەلەستین ڕایگەیاند: لە قۆناغی یەکەمدا، ئەو ژن و منداڵ و کەسە سڤیلانە کە لە کاتی ئۆپەراسیۆنی زریانی ئەقسادا گیراون، ئازاد دەکرێن.
پێشتر میدیا عەرەبییەکان باسیان لەوە کردبوو کە بۆ هەر زیندانییەکی زایۆنیستی 30 بەندکراوی فەلەستینی ئازاد دەکرێن.
Your Comment