بە پێی ڕاپۆرتی ئاژانسی هەواڵی مێهر، 14 تەرمی دیکەی نێو یەختە ژێرئاوکەوتوەکەی کەناراوەکانی ئیتاڵیا دۆزرانەوە و هەشتیان منداڵن، لە ئێستاشدا فڕۆکە و بەلەمی سەر بە پاسەوانی کەناراوەکانی ئیتاڵیا لە گەڕان بەردەوامن بۆ دۆزینەوەی تەرمەکانی دیکە.
تەرمی ژمارەیەک کۆچبەری دیکە لە کەناراوەکانی کالابریا دەرهێنران و بەرەو بەندەری گراتسی بەرێکران، ژمارەی تەرمەکان 14یە و پێکهاتون لە چوار ژن و دو پیاو و هەشت منداڵ.
واتە تا ئێستا تەرمی 20 کۆچبەری یەختە ژێرئاوکەوتووەکە دۆزراونەتەوە کە پێکهاتوون لە شەش پیاو شەش ژن و هەشت منداڵ، بە وتەی رزگاربووەکانی نێو ئەو یەختەش زیاتر لە 60 کەس لە نێو یەختەکەدابوون.
Your Comment