بە پێی ڕاپۆرتی ئاژانسی هەواڵی مێهر، به‌یانی ئه‌مڕۆ فڕۆكه جه‌نگیه‌كانی توركیا ناوچه سنوریه‌كانی ناحیەی بامەرنێیان بۆردومان كرد، له‌لایه‌ن به‌شێكی زۆر له هاوڵاتیانیشه‌وه هه‌ست به بۆردومانه‌كه كراوه و نزیك بوه له شوێنی نیشته‌جێبونه‌وه.
خەندان نووسیویەتی: له‌ئه‌نجامی بۆردومانه‌كه دوو كه‌س برینداربون كه یه‌كێكیان پیشه‌ی شوانكاریه و له‌ئێستاشدا بۆ نه‌خۆشخانه‌ی فریاكه‌وتنی دهۆك گواستراونه‌ته‌وه.
تاوه‌كو ئێستا ده‌زگا په‌یوه‌ندیدار و ئه‌منیه‌كانی سنوری ناحیه‌ی بامه‌ڕنێ هیچ رونكردنه‌وه و زانیاریه‌كیان سه‌باره‌ت به بۆردومانه‌كه‌ی ئه‌م به‌یانیه‌ی توركیا بۆسه‌ر ناوچه‌كانیان نه‌خستۆته‌ڕو.
Your Comment