بە ڕاپۆرتی ئاژانسی هەواڵی مێهر، مانگیلەی ئێرانی خەیام سەربەلەبەیانی ئەمڕۆ و کاتژمێر 10 و 20 خولە لە ناوەندی گەردوونی بایکۆنۆر لە کازاکستان بەرەو گەردوون هاوێژرا. ئەو مانگیلە بە کێشی 600 کیلۆگرامی مانگیلەبەری سایۆز بەرەو 500 کیلۆمەتری زەوی هاوێژرا. تەمەنی کاری ئەو مانگیلە 5 ساڵ ڕاگەیێندراوە.
ناوەندی کۆنترۆڵی مانگیەلەکە، ناردنی دەستوور و وێستگەی وەرگرتنی داتاکانی مانگیەلەی خەیام تەنیا لە خاکی ئێران و لە ژێر چاوەدێری بەڕێوەبەرایەتی ڕێکخراوی گەردوونی ئێرانە و ئەندازیاران و لێکۆڵەرانی ئێرانی تێیدا جێگیرن.
بە پێی چالاکی و ئامانجە ئاشتیخوازانە و ناسەربازییەکانی ڕێکخراوی گەردوونی ئێران، وێنەکانی مانگیلەی خەیام بۆ بەرز کردنەوەی توانایی بەڕێوەبەرایەتی و پلانڕێژی لە بوارەکانی کشتوکاڵ، سەرچاوە سروشتییەکان، ژینگە، سەرچاوەی ئاوی، کانگا و چاوەدێری سنوورەکان و ... بەکار دەهێنرێت.
Your Comment