بەغدا هەڕەشەی راگرتنى حساب بانکی نەوتى هەرێمی کوردستان دەکات

پەرلەمانتارێکى کورد ئاشکرای دەکات، حکومەتى عێراق بەنیازە سکاڵا لەسەر ئەو کۆمپانیا نەوتییانەى لە هەرێمی کوردستان کار دەکەن تۆمار بکات و هەڕەشەی راگرتنى حساب بانکی نەوتى هەرێمیش دەکات.

بە پێی ڕاپۆرتی ئاژانسی هەواڵی مێهر، ئومێد محەمەد پەرلەمانتاری نەوەى نوێ رایگەیاند: ‎ئەمرۆ لیژنەی نەوت عەلا یاسری بەڕێوەبەری گشتیی سۆمۆی بانگهیشت کردبوو کە ئێمەش وەک فراکسیۆنی نەوەی نوێ بەژدار بووین لە کۆبونەوەکە و بەڕێوەبەری سۆمۆ روونیکردەوە،عێراق رۆژانە توانای ۳ ملیون ۷٠٠ هەزار بەرمیلی هەیەو تا ٢٠٢٧ دەیگەیەنێتە ٨ ملیۆن بەرمیل، هەریم رۆژانە لە نیوان ٤۳٠ هەزار تا ٤٥٠ هەزار لە ریگای جیهانەوە دەفرۆشیت (وتی بەس ئەمەمان لایە و نازانیین چەنی تر دەفرۆشیت لە ریگای وشکانییەوە)".

‎ئەوەشى خستەڕوو، دراسەی ئەوەشمان لایە کە هەریم تا ساڵی ۲٠۳٥ ناتوانیت ٤٠٪ ئەم نەوتەی ئیستا بەرهەم بهێنیت و هەریم نەوتەکەی ۱۱٪ لە ئیمە کەمتر دەفرۆشیت و تیچوی هەناردەکردنەکەشی لە ئیمە زیاتر دەدات

سەبارەت بە بڕیارەکەی دادگای فیدڕالی بەرامبەر هەرێم بەڕێوەبەری کۆمپانیای سۆمۆ رایگەیاندوە کە نەرمى زۆریان نواندوەو چەند پێشنیارێکیان خستووەتە بەردەم حکومەتى هەرێم، ئەوانیش یەکەم ئێمە تەنها نەوتەکەتان بۆ دەفرۆشین و پارەکە لە بانکێک دابنێنن کە خۆتان مامەڵەی پێوە بکەن و هەرکات متمانەتان بە ئێمە نەما پارەکە هەمووی راکێشن، دووەم کۆمپانیایەک دابنێنن هەموو ئەندام و سەرۆکەکەشی با لەئێوە بن و بارەگاکەی لەهەولێر بێت، تەنها سەر بە وەزارەتی نەوت، سێیەمیش ئەگەر کێشەی فرۆشتنتان هەیە، فەرموون ئەوە مشتەری و باخرەو لایەنی جێبەجێکار بەڵام بەکەمتر مەیفرۆشن.

‎بەوتەى ئەو پەرلەمانتارە، بەڕێوەبەرى سۆمۆ رایگەیاندووە، کە وەڵامی حکومەتى هەرێم بەرامبەر ئەو هەموو نەرمیەی ئەوان ئەوەبوو نوسراوێکیان ناردوەو دەڵێن چوار سەرۆکایەتیەکەی هەرێم دان بە دادگای ئیتحادیدا نانێن.

‎بەڕێوەبەری گشتی سۆمۆ ئەوەشى وتووە کە ئیستا ئەوان راوێژکارەکانی خۆیان راسپاردوە کە لەگەڵ هەردوو نوسینگەی یاسایی جیهانیی لە لەندەن و پاریس ئاگادار بکەنەوە کە لە ڕیگای دادگاوە سکاڵا بکەن لەو کۆمپانیایانەی کە لە هەرێم کار دەکەن و قسەیان لەگەڵ ئەو بانکانەش کردوە کە پارەی نەوتی هەریمی تێدەچیت.

‎سەبارەت بە دادگای پاریس لەسەر سکاڵاکانى رابردوو، بەڕێوەبەری نەوتى سۆمۆ ئەوەى ئاشکرا کردوە کە مانگی ئابی داهاتوو دادگای پاریس دژ بە تورکیا بڕیار دەدات و کەیسەکەمان ماوە و دوای بڕیاردان دەبیت تورکیا دەستبەجێ هەناردەی نەوتی هەرێم ڕاگریت یان قەرەبوی عێراق بکاتەوە.

ئەوەشى وتووە"لەدەسەڵاتماندایە حساب بانکی هەرێم رابگرین و نەتوانن مامەڵەی پێوە بکەن و رەنگە ئەوەش بکەین گەر پێویست بێت، ئێمە تەنها ١ دۆلار و ٩ سەنت دەدەینە تورکیا بۆ بۆریەکە، بەڵام هەرێم چەندین هێندە دەدات، پێمان وتن بۆ ئەو هەموو پارەیە دەدەنە تورکیا

News Code 42221

نیشانەکان

بۆچوونی ئێوە

You are replying to: .
  • captcha