بە پێی راپۆرتی ئاژانسی هەواڵی مێهر، ماموستا قادری لەم دیدارەدا وێڕای دەربڕینی خۆشحاڵی خۆی لە ئازادکرانی ئەم پەنابەرانە، وتی: ئیمە دەزانین ڕۆژانێکی دژوارتان تێپەڕاندووە و هەموو کات شوێنگیری دۆخی تەندروستیتان بووین و ئەمڕۆش دڵخۆشین کە بە سەلامەت گەڕاونەتە نێو بنەماڵەکانتان.
ئەو وتیشی: بەرپرسانی کۆماری ئیسلامی ئێران و ژمارەیەک بەرپرسی عێراقی هەوڵی زۆریان دا بۆ ئازاد کردنی پەنابەران و هەمووان هەموو توانای خۆیان بۆ ئەم کارە خستە گەڕ.
ناوبراو داکۆکی کرد: هیوادارم دۆخێک لە وڵاتدا زاڵ بێت کە هیچ لاوێکی ئەم وڵاتە، نیشتمانی خۆیان بەرەو وڵاتی غەریب بە جێ نەهێڵن.
شیاوی ئاماژەیە لەم دیدارەدا ٥ کەس لە پەنابەرە ئازادکراوەکان باسی دژوارییەکانی رێگا و بیرەوەری رۆژانی زیندانیان گێڕایەوە و ڕێزیان لە هەموو ئەو کەسانە گرت کە بە شێوەیەک لە ئازاد بوونیاندا کاریگەر بوون.
Your Comment