بەرپرسانی هەرێمی کوردستان ڕێگری لە تیرۆریستەکان نەکەن بە شێوەیەکی تر مامەڵەیان لە گەڵ دەکەین

جێگری سیاسی سوپای پاسدارانی شۆڕشی ئیسلامی وتی: گەر بەرپرسانی هەرێمی کوردستان پێبەندی بەڵێنەکانیان نەبن و کردەوەی پێویست لە هەمبەر گرووپە چەکدارەکان نگرنەبەر، ئێمەش بە شێوەیەکی دیکە ڕووبەڕووی دەبینەوە.

بە پێی هەواڵی مێهر، سەردار یەدوڵا جەوانی سەبارەت بە چالاکی گرووپە چەکدارەکان دژی ئێران لە خاکی هەرێمی کوردستان، وتی: هەر هۆکارێک چ لە ناوخۆ و چ لە دەرەوە بیەوێت ئاسایش و یەکپارچەیی نیشتمانی ئێمە تێک بدات، قبووڵ ناکرێت و بەرپەرچی دەدەینەوە.

ئەو وتیشی: کۆماری ئیسلامی ئێران بێ ئەوەی بستێک لە خاکی وڵاتەکەی بە داگیرکەر بدات، بەرەوانی پیرۆزی تێپەڕاند و لە هەموو سەردەمانی دیکەشدا بە شێوەی جیدی رووبەڕووی دوژمنانی خۆی بۆتەوە.

ناوبراو ڕوونی کردەوە: ئێمە هەندێ جار لە سنووری هەرێمی کوردستانی عێراق جووڵانەوەهایەکمان دەدی کە لە لایەن جیایی خوازەکانەوە ڕووی دەدا بەڵام ئێمە بە شێوەی جیدی ڕووبەڕوویان بووینەوە.

سەردار جەوانی ڕاشیگەیاند: ئەم ڕۆژانەش ئەم ڕووداوانە دووپات دەبنەوە بۆیە گەر بەرپرسانی هەرێمی کوردستان پێبەندی بەڵێنەکانیان نەبن و کردەوەی پێویست لە هەمبەر گرووپە چەکدارەکان بەڕێوە نەبەن، ئێمەش بە شێوەیەکی دیکە ڕووبەڕووی دەبینەوە.

News Code 39075

نیشانەکان

بۆچوونی ئێوە

You are replying to: .
  • 4 + 3 =