سنە و سلێمانی دەبنە دەستەخوشک

شارەوانی سنە وتی: بە ئامانجی گەشەی پێوەندی فەرهەنگی، کۆمەڵایەتی و ئابووری و گەشتیاری و بەپێی هاوبەشییەکانی دوو ساری سنە و سلێمانی، پێسنیاری دەستەخوشکی ئەو دوو شارەی پێشکەش ئەنجومەنی شار کرا و پەسەندیش کرا.

بە ڕاپۆرتی ئاژانسی هەواڵی مێهر، حشمەتوڵڵا سەیدی ڕایگەیاند: یەکێک لە هەوڵە فەرهەنگییەکان بۆ تۆکمە کردنەوە و پتەو کردنەوە هەرچی زیاتری پێوەندی دوو شاری سنە و سلێمانی پەیمانی دەستەخوشکی بەستراوە.

ناوبراو زیادی کرد: دەستەخوشکی شارەکان پێوەندی نێوان ئەو دوو شارەیە کە خاوەن هاوشێوەیی و هاوبەشەیی تایبەتن لە بواری زانستی، فەرهەنگی و مێژوویی.

سنە و سلێمانی دەبنە دەستەخوشک

سەیدی وتیشی: جگە لە هاوبەشیی فەرهەنگی و کۆمەڵایەتی ئەو دوو شارە لە ساڵی 98 لە لایەن یۆنێسکۆوە چوونە ڕیزی شارە خولقێنەرەکانی جیهانەوە.

ناوبراو ڕاشیگەیاند: بە ئامانجی گەشەی پێوەندییە فەرهەنگی، کۆمەڵایەتی، ئابووری و گەشتیارییەکان و هەروەها کەڵکوەرگرتن لە دەرفەتی دوو لایەنە و بەڕێوە بردنی پڕۆژەی سەرمایەدانەری، پێشنیاری دەستەخوشکی سنە وەکوو شاری خولقێنەری مۆسیقا و شاری سلێمانی وەکوو شاری خولقێنەری وێژە پێشکەشی ئەنجومەنی شار کرا و پەسەندیش کرا.

News Code 37386

نیشانەکان

بۆچوونی ئێوە

You are replying to: .
  • 2 + 1 =