بە پێی هەواڵی مێهر، قاسم محەمەد جەلال ئەلئەعرەجی ئەمڕۆ لە گەڵ عەلی شەمخانی دیدار و چاوپێکەوتنی کرد و سەبارەت بە بابەتە ناوچەیی و نێونەتەوەییەکان باس و وتووێژیان کرد.
شەمخانی لەم دیدارەدا ئەمریکای گەورەترین هۆکاری نەبوونی ئاسایش و تیرۆریزم زانی و وتی: جێبەجێ کردنی خێرای یاسای پەسندکراوی پارلەمان سەبارەت بە چوونە دەرەوەی سەربازانی ئەمریکی لە عێراق، ئاسایش و سەقامگیربوونی هێمنایەتی لە ناوچەکەی بەدواوە دەبێت.
ئەو ئاماژەی بۆ شەهیدکرانی "قاسم سولەیمانی" و "ئەبوو مەهدی موهەندیس" کرد و وتیشی: شوێنگیری دۆسیەکە و هەروەها سزادانی تاوانبارانی ئەم ڕووداوە لە سەرووی هاوکارییەکانی دوو وڵاتە و لەم بوارەدا چاوەڕوانی زۆرترمان لە دەوڵەتی عێراق هەیە.
ناوبراو بە ئاماژە بە جووڵانەوەکانی دژە شۆڕشەکان و تیرۆریستەکان لە هەرێمی کوردستان و باکووری عێراق، داکۆکی کردە سەر هاوکاری زۆرتری تاران و بەغدا بۆ کۆتایی هێنان بە کاری ئەم گرووپانە.
ڕاوێژکاری ئاسایشی نەتەوەیی عێراقیش داکۆکی کردە سەر درێژەی هاوکاری هەمەلایەنەی نێوان ئێران و عێراق و وتی: هاواهەنگی پێویست لە گەڵ بەرپرسانی هەرێمی کوردستان بە مەبەستی بەرەنگاربوونەوە لە گەڵ تیرۆریستەکان دەستی پێ کردووە.
Your Comment