بە پێی ڕاپۆرتی ئاژانسی هەواڵی مێهر، ڕێبەری باڵای ئێران لە وتەدانی تەلفزیۆنی ئەمساڵیاندا بە بۆنەی جەژنی نەورۆز و ساڵی نوێ، ڕایانگەیاند کە ئەمساڵ بە ناوی ساڵی بەرهەم هێنان، پشتیوانیەکان و نەهێشتنی لەمپەڕەکان ناو دەنن.
پیرۆزبایی جەژنی نەورۆز
ڕێبەری باڵای ئێران هەروەها پیرۆزبایی ساڵی نوێ هەتاوی لە سەرجەم گەلی ئێران، بنەماڵی بەرزی شەهیدان و گیانبازان و ئازادەکان کرد و وتیان پیرۆزباییش لەو وڵاتانە دەکەم کە ئەم بۆنە جەژن دەگرن.
ئایەتوڵڵا خامنەیی بە ئاماژە بەوەکە ساڵی ڕابردوو ساڵی سەرهەڵدانی توانایی و توانستی گەلی ئێران لە بەرانبەر ئەزموونی گەورەی کۆڕۆنا بوو، وتیان: ساڵی 1399ی هەتاوی کە تێپەڕی دیاردەی کۆڕۆنا ڕوویدا و کاریگەریی کردە سەر هەموو وڵاتان و لەوانەش ئێران و ئابووری و هەلی کاری تووشی کێشە کرد .
توانایی گەورەی ئێران بۆ بەرەنگاریی کۆڕۆنا
ڕێبەری باڵای ئێران هەروەها وتیان: ساڵی ڕابردوو بە داخەوە ژمارەیەکی زۆر بە هۆی کۆڕۆناوە گیانیان لەدەستدا. ئەگەرچی کادیری دەرمان و پزیشکان و ئەوانەی پەیوەندییان بە کاروباری دەرمانەوە هەیە توانایی گەورەیان نیشان دا و هاوکات کە گەلی ئێرانیش خۆڕاگربوون و توانیان دوژمن شکست بدەن و ئێستا دوژمنان خۆیان دان بەوەدا دەنن کە گوشاری زۆرینە شکستی هێناوە.
شکستی گوشاری زۆرینە
ئایەتوڵڵا خامنەیی، ئاماژەیان بە شکست هێنانی گوشاری زۆرینەی دوژمن لە ساڵی ڕابردوو کرد و زیادیان کرد: دوژمنەکانی ئێران و لە سەروویانەوە ئەمریکا ویستیان چۆک بە گەلی ئێران دابدەن . هەڵبەت ئێمە دەمانزانی کە گەلی ئێران خۆڕاگرە و ئەوان شکست دێنن. ئەمڕۆ ئەوان خۆدی ئەمریکاییەکان و هاوڵانی ئەورووپاییان دان بەوەدا دەنن کە گوشاری زۆرینە شکستی هێناوە.
1400 بە ساڵی بەرهەم هێنان، پشتیوانیەکان و نەهێشتنی لەمپەڕەکان ناو دەنین
Your Comment