کاردانەوەی نەتەوە یەکگرتووەکان بە توندوتیژییەکانی هەرێمی کوردستان

بە پێی ڕاپۆرتی ئاژانسی هەواڵی مێهر, جنین هینس پلاسخارت لەبەیاننامەیەكدا ئیدانەی ئەو توندوتیژیانە دەکات كە لەماوەی چەند رۆژی رابردوو لە پارێزگای سلێمانی لەناو خۆپیشاندانەکاندا ئەنجام دران و بوونەهۆی کوشتن و بریندارکردنی ژمارەیەک کەس . 

لەبەشێكی دیكەی پەیامەكەدا وێرٍای ئەوەی نێردەی نەتەوە یەکگرتووەکان خەمباری خۆی بۆ کەسوکاری قوربانیەکان ڕادەگەیەنێت و هیوای چاکبونەوەی بریندارەکانیش دەخوازێت، هەروەها داوادەكات كەخۆپیشاندەران بپارێزرێن.

دواش دەكات، ڕێگە بە ڕاگەیاندنەکان بدرێت بە ئازادانە هەواڵەکان بگوازنەوە بەبێ ترساندنی و پەستان خستنە سەریان.
لەبەشێكی دیكەی بەیاننامەكەی نێردەی نەتەوەیەكگرتووەكان لەعێراق هاتووە: پێویستە لێکۆڵینەوەی بەپەلە بۆ دیاریکردنی ئەوانەی توندوتیژیان ئەنجامداوە بکرێت و لێپرسینەوەی تەواو لەو کەسانەش بکرێت لە پشت توندوتیژیەکانەوەن. 
  
ئەوەش لەكاتێكدایە، ماوەی چەند رۆژێكە خۆپیشاندان لەزۆربەی ناوچەكانی سنوری پارێزگای سلێمانی و هەڵەبجە و ئیدارەی راپەڕین و گەرمیان دەستیپێكردووە و تاوەكو ئێستا ژمارەیەك خۆپیشاندەر كوژراون و بارەگای زۆربەی لایەنەكانیش سووتێنراون.