پێداگرین لەسەر گەڕاندنەوەی پێشمەرگە بۆ کەرکووک

جێگری سەرۆک وەزیرانی هەرێمی کوردستان لە دیدار لەگەڵ باڵوێزی ئەمریکا لە عێراق، جەختی کرد هەولێر بۆ گەڕاندنەوەی هێزی پێشمەرگە بۆ کەرکووک بە ئامانجی هاوکاری لە دابینی ئاسایش لە ناوچەکە پێداگری هەیە.

بە ڕاپۆرتی ئاژانسی هەواڵی مێهر لە شەفەق نیوز، نووسینگەی قوباد تاڵەبانی بە دەرکردنی بەیاننامەیەک ڕایگەیاند سەرۆکی هەرێمی کوردستان  بۆ دانوستان لەگەڵ بەغدا لە دیدار لەگەڵ ماتیو تولر باڵوێزی ئەمریکا لە عێراق و سەرکونسوڵی ئەو وڵاتە لە هەولێر، سەبارەت بە دوایین گۆڕانکارییەکان لە بواری گفتوگۆی نێوان دەوڵەتی هەرێم و دەوڵەتی فیدراڵ و هەروەها دۆخی ناوچە کوردنشینەکانی دەرەوەی هەرێم گفتوگۆی کرد.  

قوباد تاڵەبانی هەروەها لەسەر هەڵوێستی هەرێم سەبارەت بە گەڕانەوەی هێزەکانی پێشمەرگە بۆ کەرکووک و بەتایبەتی بنکەی کەی وان جەختی کرد و ڕایگەیاند لە دانوستان لەگەڵ بەغدا ئەو بابەتە لەگەڵ بەرپرسانی دەولەتی فیدراڵ بە ئامانجی هاوکاری و بەشداری هێزی پێشمەرگە لە بواری ئاسایش لە ئەو ناوچە تاوتوێ کراوە.

بە گوێرەی ئەو بەیاننامە، تاڵەبانی وتوویە کە بەغدا و هەولێر خەریکی دۆزینەوەی ڕێکارێکی گونجاو بۆ چۆنیەتی گەڕانەوەی هێزەکانی پێشمەرگە بۆ کەرکووکن.

News Code 34062

نیشانەکان

بۆچوونی ئێوە

You are replying to: .
  • 7 + 9 =