بەپێی ڕاپۆرتی ئاژانسی هەواڵی مێهر، هۆشیار عەبدوڵا، ئەندامی فراکسیۆنی گۆڕان لە پەرلەمانی عێراق لە یاداشتێکدا بۆ وەزارەتی نەوتی عێراق باسی لەوەکردووە کە "داوا دەکەین هەر زانیارییەک لەبارەی رێککەوتنی نهێنی حکومەتی هەرێمی کوردستان و حکومەتی تورکیا کە ماوەکەی بۆ 50 ساڵە لەبەردەستاندایە بیخەنەبەردەستمان، چونکە رێککەوتنەکە بەبێ رێگەپێدانی دەزگا فەرمییەکانی هەرێمی کوردستان بووە و هیچ بەڵگە و دۆکیومێنتێکیش لەو بارەیەوە بڵاونەکراوەتەوە."
ئاماژەی بەوەشکردوە، بەئامانجی لەبەرچاوگرتنی گرینگی و مەترسیداری ئەوە بابەتە، داوا دەکەین بەدواداچون بکرێت و ئاگاداریان بکەنەوە لە زانیاری بەردەستان لەسەر ئەو دۆسیەیە، بۆ ئەوەی ئێمەش بتوانین بە رۆڵی چاودێری خۆمان لەپەرلەمان هەڵسین.
پەرلەمانتارەکەی بزووتنەوەی گۆڕان باسی لەوەشکردووە کە ئاشکراکردنی وردەکارییەکانی ئەو رێککەوتنە 50 ساڵییە و شەفافیەتیی دۆسیەی نەوت: "دەتوانێت چاکسازیی ریشەیی و گەورە لە داهاتی هەرێمدا بهێنێتە ئاراوە".
Your Comment