وردەکارییەکانی ڕێککەوتنی ٢٥ ساڵەی ئێران و چین

وتەبێژی وەزارەتی دەرەوە بە ئاماژە بە بەڵگەی هاوکاریی ٢٥ ساڵەی ئێران و چین وتی: ئەو هاوکارییە بەمزوانە دەست پێ دەکات.

بە ڕاپۆرتی ئاژانسی هەواڵی مێهر، سەید عەباس مووسەوی لە پرێس کۆنفڕانسێک لە کۆمەڵەی شێخ سەفی ئەردەبیلی لە شاری ئەردەبیل بە ئاماژە بە بەڵگەی ستراتژیکی ئێران و چین، ڕایگەیاند: ڕوانینی کۆماری ئیسلامی ئێران بۆ هاوپەیمانانی، ڕوانینێکی درێژخایەن و ستراتژیک بە ئامانجی سازدانی پەیوەندیگەلی هەمەلایەنەیە و دوورنوێنی ئەو پەیوەندیانە دەبێ ڕوون و ئاشکرا بێت و لە سەفەری سەرۆک کۆماری چین و ئێران گفتوگۆی پێویست ئەنجام دەدرێت.

وتەبێژی وەزارەتی دەرەوە بە ئەماژە بە ئەنجامدرانی لێکدانەوەی بەرامبەر لە سەر ئەو بەڵگەیە لە لایەن ئێران و چینەوە، ڕاشیگەیاند: پاش راگەیاندنی ئەنجامی لێکدانەوەکان، بە پێی ئەو بەڵگەیە هاوکارییەکان دەست پێ دەکات.

مووسەوی ڕوونیشی کردەوە: بە پێی بەڵگەی هاوکاریی ٢٥ ساڵەی ئێران و چین، هیچ باسێکی بەڕێوەبەری و گرێبەستی لە ئارادا نییە و بە پێی ئەو بەڵگەیە ئەگەر ڕێککەوتنەکان ئەنجام بدرێت، بەڵگە و گرێبەستی جۆراوجۆر لە بوارە ئابووری و سیاسییەکان واژۆ دەکرێت و مەجلیسیش ڕۆڵی کارای دەبێ لە بڕیاردان و واژۆکارییەکان.

ناوبراو لە کۆتاییدا جەختی کرد: پەیوەندیی ئێران و چین پەیوەندی دوو وڵاتی سەربەخۆیە و دژبەران هەموو رێگەیەک بۆ زیانگەیاندن بەو پەیوەندییە تاقی دەکەنەوە. بەوەشەوە کۆماری ئیسلامی ئێران ئامادەی سازدانی پەیوەندیی درێژخایەن لە گەڵ وڵاتانی دیکە لە ئەگەری ئامادەییانە.

News Code 33291

نیشانەکان

بۆچوونی ئێوە

You are replying to: .
  • 5 + 1 =