بە ڕاپۆرتی ئاژانسی هەواڵی مێهر، مەجید تەخت ڕەوانچی لە لێدوانێکدا ڕایگەیاند: لە حاڵێکدا کە جیهان خەریکی بەرەوڕوو بوونەوەی پاشهاتەکانی کاریگەیر کۆرۆنا لەسەر وڵاتەکانە و وڵاتەکان تێدەکۆشن یاریدەدەری یەکتر بن لە دۆخی قەیرانی، ئەمریکا بە هەوڵی تاک لایەنە و نایاسایی خۆی دژی وڵاتانی تر کە زۆربەشیان لەگەڵ گشت گیری ڤایرۆسی کۆرۆنا تووشن، زیاد کردووە.
ناوبراو زیادی کرد: ئەمریکا بە توند کردنەوە و چڕ کردنەویە گەمارۆ نایاساییەکانی خۆی لە دۆخی قەیراناقی بەجێماو لە گشت گیری ڤایرۆسی کۆرۆنا، هێڵی سووری تیرۆریزمی ئابووری و تیرۆریزمی پزیشکی تێپەڕاندووە و گەیشتووەتە ئاستی جەنایەت دژی مرۆڤایەتی.
تەخت ڕەوانچی وتی: ئەمریکا ئەو پاگەندە بێ بنەمایەی هێناوەتە ئاراوە کە گەمارۆکان مادەی خۆراکی، دەرمان و جیهازات پزیشکی ناگرنەوە. بەڵام بێ بەری کردنی وڵاتێک بۆ دەست پێڕاگەیشتن بە بازرگانی و سیستەمی بانکی جیهانی، توانایی ئەو وڵاتە بۆ دەست خستنی دەرمان، مادەی خۆراکی و جیهازاتی پزیشکی لە ڕێگای ئاساییەوە کەم دەکاتەوە.
ناوبراو زیادی کرد: کۆمەڵگای نێودەولەتی ئەبێ بە تۆکمە کردنەوەی یەکگرتوویی، لە یەک ڕیز و بە یەک دەنگ، هەوڵە نایاسایی و ناڕەواکان ڕەت بکاتەوە و ئیدانەیان بکات و ئەو قەیرانە کۆنترۆڵ بکەن.
Your Comment