شەڕی نێوان دوو تایفە لە ماکۆ 30 برینداری لێکەوتەوە

بەرپرسی تەندروستی و دەرمانی ماکۆ لە پێکدادانی خوێناوی دوو هۆز لە ماکۆ هەواڵی دا و وتی: ٣٠ کەس لە ئەو پێکدادانە بریندار بوون.

بە ڕاپۆرتی ئاژانسی هەواڵی مێهر، دکتۆر سەمەدی ڕایگەیاند: شەوی ڕابردوو دوابەدوای پێکدادانی دوو هۆز کە خەنجەریان لە ڕووی یەکدا کێشا، زیاتر لە ٣٠ کەس هاتوونەتە بەشی فریاکەوتنی نەخۆشخانەی فەجری ماکۆ.

ناوبراو زیادی کرد: ئەو پێکدادانە نەک لە دەرەوەی نەخۆشخانە بەڵکوو لە ناو نەخۆشخانەکەش هەر درێژەی هەبووە.

بەرپرسی تەندروستی و دەرمانی ماکۆ لە درێژەدا هۆکاری ئەو پێکدادانەی کێشەی بنەماڵەیی ئەو دوو هۆزە ڕاگەیاند و زیادی کرد: ژمارەیەک لە ئەو کەسانە هاتنە نەخۆشخانە هەر زوو دەرمان کران و ڕەوانەی ماڵەوە کران.

سەمەدی هەروەها بە جەخت لە سەر ئەوەی کە، تا بەم چرکە ١٣ کەس لە نەخۆشخانەن، زیادی کرد: ٧ کەس لە بریندارەکان نەشتەرگەریان بۆ کراوە و هیچ حاڵەتێکی نائاساییمان نییە.

News Code 32468

نیشانەکان

بۆچوونی ئێوە

You are replying to: .
  • 2 + 13 =