دوایین ئاماری تووشبوانی کۆرۆنا لە هەرێمی کوردستان

وەزارەتی تەندروستی هەرێمی کوردستان ڕایگەیاند کە تا ئێستا ۴۷ کەس لە هەرێم هەڵگری ڤایرۆسی کۆرۆنان.

بە ڕاپۆرتی ئاژانسی هەواڵی مێهر, وەزارەتی تەندروستی هەرێمی کوردستان ڕاگەیێندراوێکی نوێ سەبلرەت بە کۆرۆنا بڵاو کردەوە.

دەقی ڕاگەیێندراوەکە;

سەبارەت بە نەخۆشی ڤایرۆسی کۆڕۆنای نوێ COVID-۱۹ لە هەرێمی کوردستان، تیمەکانی تەندروستی بۆ دۆزینەوە و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش :

۱. ژمارەی هاوڵاتیان کە لە کەڕەنتینەکان بوون (٤٥٤٨) هاوڵاتین لە (٢٦) شوێنی جیاواز، لەئێستادا تەنها (١٦٣٠) هاوڵاتی لە کەرەنتین ماونەتەوە (٨٦٦) لە هەولێر، (٣٩٥) لە سلێمانی، (٢٢٦) لە دهۆک، (٣٨) لە هەلەبجە، (٤٤) لە گەرمیان، (٣٦) لە ڕاپەرین، (٢٥) لە کۆیە وە (٢٩١٨) هاوڵاتی لە کەرەنتین دەرچوونە و گەڕانەوە ناو خانەوادەکانیان دوای تەواو بوونی ماوەی دوو هەفتە لەگەڵ کەڕەنتین کردنی ژمارەیەکی تری ئەمڕۆی کەرەنتین کراو کە کۆی گشتی بریتی بوو (٧٥) هاوڵاتی.

۲. لەماوەی ٢٤ کاتژمێری ڕابردوو (١٧٨) پشکنین ئەنجامدرا کە (٢٧) لە شاری هەولێر و (٦٤) لە شاری سلێمانی و (٨٧) شاری دهۆک، دەرەنجام (٦) تووشبووی نوێی دانشتووی شاری سلێمانی تۆمارکرا ،کە پێنج لە تووشبووەکان پیاون تەمەنیان (٢٣)، (٤٠)، (٤٠)، (٢٥)، (٧٠) ساڵ لەگەڵ ئافرەتێکی تەمەن (٢٤) ساڵ کە سێ  تووشبوو خزم و بەرکەوتووی تووشبووەکەی پێشووە کە گیانی سپارد، وە یەکێک لە تووشبووەکانی تر لە ووڵاتی اسپانیا گەڕاوەتەوە.

۳. کۆی گشتی هەڵگرانی ڤایرۆسی کۆڕۆنای نوێ COVID-۱۹ لە هەرێمی کوردستان (٤٧) تووشبووە،  لەنێویاندا (١) مردن هەیە و (١٣) نەخۆش بەتەواوی چاکبووەتەوە، و ئەوانی تر هەموویان لەژێر چاودێری پزیشکی دان.

وێڕای دەستخۆشی بۆتیمەکانی وەزارەتی ناوەخۆ و تیمەکانی پزیشکی کە لە کاردان وە سوپاس بۆ پابەندبوونی هاوڵاتیان بە مانەوەیان لە ماڵەکانیاندا جارێکی تر تکا دەکەین پابەندبن بە ڕێنماییەکانی تەندروستی و لە ماڵەکانیان بمێننەوە و نەیەنە دەرەوە و بەرکەوتەی کەسی تر نەبن وە لە کاتی پێویستدا پەیوەندی بکەبن بە هێڵی گەرمی ژمارە (١٢٢). 

      وەزارەتی تەندروستی    .        

حکومەتی هەرێمی کوردستان 

     ٢٠ی ئازاری٢٠٢٠

News Code 31621

نیشانەکان

بۆچوونی ئێوە

You are replying to: .
  • 5 + 6 =