بە ڕاپۆرتی ئاژانسی هەواڵی مێهر، حەسەن ڕۆحانی ئەوڕۆ (شەممە) لە پەیوەندی تەلەفونی لە گەڵ "شێخ تەمیم بێن حەمەد ئالی سانی" ئەمیری قەتەر، بە ئاماژە بەوەی ڤایرووسی کرۆنا بۆتە گرفتێکی جیهانی، وتی: هەموو گەلان و دەوڵەتانی جیهان دەبێ لە پەنای یەک بن و بە یارمەتی یەکتری لەو کێشەیە بە خێرایی تێپەڕبن.
وتیشی: بە خۆشحاڵییەوە وەزارەتی تەندروستی ئێران پلانێکی تایبەتی بۆ بەڕێوەبەری و کۆنتڕۆڵی پەرەسەندنی ئەو ڤایرووسە گرتۆتە بەر.
ڕۆحانی لە درێژەدا بە ئاماژە بە زەروورەتی هاوکاریگەلی دوو قۆڵی و ناوچەیی نێوان هەموو وڵاتانی ناوچە، ڕایگەیاند: کۆماری ئیسلامی ئێران خەریکی ڕاپەڕاندنی پڕۆتۆکۆلگەلێکی تەندروستی تایبەتی لە بواری ئاڵوگۆڕی بازرگانی و هەناردەی کاڵایە و هەروەها بۆ ئاسایی کردنەوەی هاتوچۆی موسافیرانی دوو وڵاتیش پڕۆتۆکۆلی تایبەتی تەندروستی ڕەچاو کردووە.
سەرۆک کۆمار هەروەها جەختی لە زەروورەتی هاوکاریی دوو وڵات لە دابین کردنی پێداویستیگەلی تەندروستی و دەرمانی پێویستیان بۆ بەرەنگاربوونەوەی ئەو ڤایرووسە کرد و بیری هێنایەوە: پێشوازی دەکەین لە پەرەدان بە هاوکاریگەلی هاوبەشی تەندروستی دوو قۆڵی و ناوچەیی لە گەڵ هەموو وڵاتانی ناوچە و وادیارە هیچ وڵاتێک لەو نەخۆشییە پارێزراو نییە و هەموو ناچار لە هاوکاری و ئاڵوگۆڕکردنی ئەزموون و ئیمکاناتەکان بۆ تێپەڕین لە گرفتە جیهانییەین.
بۆچوونی ئێوە