بە ڕاپۆرتی ئاژانسی هەواڵی مێهر، شاندێک لە ئەنجومەنی نیشتمانی کوردەکانی سووریا (ئەنەکەسە) لە گەڵ مەولوود چآوش ئەغڵوو، وەزیری دەروەی تورکیا دیدار و گفتوگۆیان کرد.
بە گوێرەی زانیارییەکان، لە ئەو دیدارە دوو لایەنەکە بە لێکدانەوەی دوایین گۆڕانکارییەکان لە سووریا گفتوگۆیان کرد کە وەزیری دەرەوەی تورکیا بە ئەو شاندەی وتووە و جەختیشی لە سەری کردووە: لە پاڵ خەڵکی سووریاین و بۆ دابین کردنی ئاسایش و ڕێگاچارەی سیاسی قەیرانی سووریا هەوڵ دەدەین.
دوابەدوای ئو دیدارە ئەنەکەسە بە بڵاو کردنەویە بەیاننامەیەک ڕایگەیاند: چاوش ئەغڵوو لە ئەو دیدارە جەختی کردووە: ئەو گرووپە چەکدارەکانە کە لە عەفرین، سەرێکانی و گرێ سپی مافی مرۆڤیان پێشێل کردووە ئەبێ سزا بدرێن. وەزیری دەرەوە هەر جۆرە هەوڵ بۆ گۆڕینی دیمۆگرافیای ناوچەکەشی ڕەت کردەوە و وتی: بۆ گەڕاندنەوەی ئەو کەسانەی کە ناچار بە بەجێ هێشتنی ماڵی خۆیان لە ئەو ناوچە بوون، هەوڵ دەدەن.
لە درێژەی ئەو بەیاننامە هاتووە: دیدار لە گەڵ وەزیری دەرەوەی تورکیا لە سەر گرینگایەتی رێگاچارەی سیاسی قەیرانی سووریا، پێکهێنانی یاسای بنەڕەتی نوێی سووریا و هەروەها پێویست بوونی دروست کردنی بەستێنی پێویست بۆ بەدی هێنانی داواکارییەکانی نەتەوەی سووریا و خەڵکی کوردی سووریا جەختی کردووە. هەروەها وێڕای داخوازی بۆ کۆتایی هێنان بە پێشێل کرانی مافی مرۆڤ لە سەرێکانی، گرێ سپی و عەفرین لە لایەن گرووپە چەکدارەکانەوە لە تورکیا لە سەر گەراندنەوەی پەنابەران بۆ سەر ماڵ و حاڵی خۆیان لە ئەو ناوچە داوای یارمەتی کراوە.
شیاوی باسە، وەزیری دەرەوەی تورکیاش پاش ئەو دیدارە لە هەژماری کەسیی خۆی لە تویتەر نووسی: لە گەڵ نوێنەری ڕەوای کوردەکان، ئەنجومەنی نیشتمانی کوردەکانی سووریا دیدارمان کرد. ئێمە لە ڕۆڵی ئەوان لە ناو هاوپەیمانی دژبەرانی سووری و هەروەها ڕۆڵێک کە لە ڕەتوی سیاسی چارەسەری قەیرانی سووریا هەیانە، پاڵپشتی دەکەین.
Your Comment