بەشار ئەسەد: نەتەوەی سووریا سەردار سولەیمانی لەبیر ناکەن

سەرۆک کۆماری سووریا لە پەیامێکدا شەهید بوونی سەردار سولەیمانی بە ڕێبەری باڵای شۆڕش سەرەخۆشی وت و ڕایگەیاند: نەتەوەی سووریا سولەیمانی و خۆڕاگری ئەو لە پاڵ سوپای سووریا دژی تیرۆریزم لەبیر ناکەن.

بە ڕاپۆرتی ئاژانسی هەواڵی مێهر لە مەیادین، بەشار ئەسەد سەرۆک کۆماری سووریا لە پەیامێکدا شەهادەتی سەردار سولەیمانی بە ڕێبەری باڵای شۆڕشی ئیسلامی ئێران سەرەخۆشی کرد.

بەشار ئەسەد لە پەیامەکەی خۆیدا ڕایگەیاند: بە ئەوپەڕی خەم و پەژارەوە هەواڵی شەهادەتی کۆمەڵێک لە فەرماندەکانی بەرخۆدان و لە سەرووی هەموویانەوە سەردار سولەیمانیمان وەرگرت. سەردار سولەیمانی تەمەنی لە ڕێگای خزمەت بە وڵاتەکەی، بەرەی بەرخۆدان و ڕێگای حەق تێپەڕاند.

وتیشی: لە لایەن خۆم و نەتەوەی سووریاوە لە ناخی دڵەوە سەرەخۆشی دەکەم، ناوی شەهید سولەیمانی لە لای نەتەوەی سووریا دەمێنێتەوە.

ئەسەد جەختی کرد: دڵنیاین کە ئەو جەنایەتەی ئەمریکا ورەی بەرەی بەرخۆدان لە بەرانبەر سیاسەتی خراپکارانەی ئەمریکا پتەوتر دەکاتەوە.

News Code 30214

نیشانەکان

بۆچوونی ئێوە

You are replying to: .
  • 2 + 5 =