نوقم بوونی چەند کەس لە وەرگەڕانی بەلەم لە وان

بەرەبەیانی ئەمڕۆ له‌ شاری به‌دلیسی پارێزگای وان بەلەمێكی كۆچبەران نوقوم بوو، بەو هۆیەوە ۷ كەس گیانیان لەدەستدا و ۶۴ كەسی دیكە رزگاركران.

بە ڕاپۆرتی ئاژانسی هەواڵی مێهر,  پارێزگاری بەدلیس رایگەیاندووە: "لە نێوان كاتژمێر  ۲:۳۰-۳:۰۰ی بەرەبەیانی ئەمڕۆ، به‌له‌مێك كه‌ كۆچبه‌رانی نایاسایی به‌ ره‌گه‌ز پاكستانی، به‌نگلادیشی و ئه‌فغانی هه‌ڵگرتبوو، له‌ ناوچه‌یه‌كی كه‌ناراوی ده‌ریاچه‌ی وان له‌نێوان گونده‌كانی ئه‌ریكباغی و كارشییاكا، كاتێ له‌ كه‌ناراوه‌كه‌ نزیك بوه‌ته‌وه‌ وه‌رگه‌ڕاوه‌ و ژێرئاوكه‌وتووه.

ڕاشگەیێندراوە کە "به‌ پێی ئاماره‌ به‌راییه‌كان، له‌ كاتێكدا پێنج كه‌س له‌ شوێنی رووداوه‌كه‌ به‌ خنکاوی دۆزراونه‌ته‌وه‌ و دوو كه‌سی دیكه‌شیان له‌ نه‌خۆشخانه‌ی ئادیلجه‌واز كۆچی دواییان كردووە."

هەروەها ۶۴ كه‌سی دیكه‌ رزگاركراون كه‌ به‌مه‌به‌ستی دابینكردنی شوێنی مانه‌وه‌ و پشكنین و رێكاره‌ فه‌ڕمیه‌كان ره‌وانه‌ی ناوه‌ندی شارۆچكه‌ی ئادیلجه‌واز و نه‌خۆشخانه‌كان كراون.

News Code 30036

نیشانەکان

بۆچوونی ئێوە

You are replying to: .
  • captcha