AP ١٣٩٨ گەڵاڕێزان ٢٨ ٠٨:٥٠

زەریف:

پاڵپشتی بەرپرسانی ئەمریکی لە خەڵکی ئێران درۆیەکی شەرم هێنەرە

پاڵپشتی بەرپرسانی ئەمریکی لە خەڵکی ئێران درۆیەکی شەرم هێنەرە

وەزیری دەرەوە ڕاگەیاندنی پاڵپشتی بەرپرسانی ئەمریکی لە خەڵکی ئێرانی درۆیەکی شەرمهێنەر وەسف کرد و وتی: بەڕێز پەمپێئۆ سەرەتا ئەبێ وەڵامدەری هەوڵە تیرۆریستی و دژە مرۆڤانەکان دژی خەڵکی ئێران بێت.

بە ڕاپۆرتی ئاژانسی هەواڵی مێهر، موحەمەد جەاد زەریف وەزیری دەرەوەی ئێران لە کاردانەوە بە قسە دەستێوەردانانە و فریوکارانەکانی کۆشکی سپی و وەزیری دەرەوەی ئەمریکا و هەندێک دەوڵەتە ئەورووپییەکان سەبارەت بە نائارامییەکانی ئەم دواییە لە بڕێک لە شارەکانی ئێران وتی: ناڕەزایەتی یاسامەند مافی خەڵکە کە لە یاسای بنەڕەتی کۆماری ئیسلامی ئێران بە فەرمی ناسراوە و پێویست بە بیرهێنانەوە و پاڵپشتی وڵاتگەلێک ناکات کە ئامانجی فەرمی خۆیان هان دانی ئێران بۆ بەڕێوە بردنی خواستە ناڕەوا و نایاساییەکانی ئەوان لە ڕێگای سەپاندنی گوشاری ئابووری-تەنانەت لە بواری خۆراک و دەرمان- بە هاووڵاتیانی ئێران ڕاگەیاندووە.

ناوبروا ڕاگەیاندنی پاڵپشتی بەرپرسانی ئەمریکی لە خەڵکی ئێرانی درۆیەکی شەرمهێنەر وەسف کرد و زیادی کرد: ڕژێمێک کە بە سەپاندنی تیرۆریزمی ئابووری ڕێگری دەکات لە گەیشتنی خۆراک و دەرمان بە خەڵکی ئاسایی، هیچ کات ناتوانێت پاگەندەی پاڵپشتی لە خەڵکی ئێرانی هەبێت. بەڕێز پەمپێئۆ سەرەتا ئەبێ وەڵامدەری هەوڵە ڕاگەیێندراوە تیرۆریستی و جەنایەتە دژە مرۆڤانەکان دژی خەڵکی ئێران بێت.

News ID 29412

Tags

Your Comment

You are replying to: .
  • captcha