سڕینەوەی ئیسرائیل واتا خاوەنە سەرەکییەکانی فەلەستین بتوانن دەوڵەت پێک بێنن

بە ڕاپۆرتی ئاژانسی هەواڵی مێهر, نیوەڕۆ ئەمڕۆ بەشدار بووانی کۆنگرەی نێودەوڵەتی وەحدەت لە تاران لە گەڵ ڕێبەری باڵای ئێران دیداریان کرد.

لەم دیدارەدا بەرپرسانی ئێران, میوانانی بیانی و باڵوێزی وڵاتانی ئیسلامی لە تاران و ژمارەیەک لە چین و توێژەکانی خەڵک ئامادە بوون.

ئایەتوڵڵا خامنەیی ڕایانگەیاند: هۆی داماوی ئەمڕۆی جیهانی ئیسلام بە تایبەتی دۆخی جێی داخی فەلەستین، لاوازی ئیسلامە.

جەختیشیان کرد: دوژمنەکانی ئیسلام و لە سەروویانەوە ئەمریکا لە گەڵ بنەمای ئیسلام و هەموو وڵاتانی ئیسلامیدا دژایەتیان هەیە و چەکی سەرەکی ئەوان لە ناوچەی ئێمە " ڕخنە لە ناوەندە هەستیار و بڕیار دەرەکان"، " دووبەرەکی نانەوە لە نا وگەلان" و " سەپاندنی ئەو وتەیە کە ڕێگا چارەی کێسەکان تەسلیم بوون لە بەرانبەر ئەمریکایە".

وتیشیان: ڕێگاچارەی بەرەنگاریی ئەم پیلانانە، خۆراگری لە ڕێگای حەق و ڕوون کردنەوەی ڕێگای خۆڕاگرییەکەیە.

ئەوەشیان وت کە وڵاتانی ئیسلامی دەبێ پێکەوە هەوڵ بدەن بۆ وەدەست هێنانی زانست، سەروەت ، ئاسایش و دەسەڵاتی سیاسی بۆ گەیشتن بە شارستانیەتی نوێ ئیسلامی و ئەم شارستانیەتە ئامانجی کۆتایی کۆماری ئیسلامی ئێرانە.

ڕێبەری باڵای ئێران ئەوەشیان وت کە نەهامەتی ئێستای جیهانی ئیسلام لەوانە پرسی فەلەستین و شەڕە خوێناوییەکان لە یەمەن، ڕۆژاواوی ئاسیا و باکووری ئەفریقا بە هۆی پێبەند نەبوونە بە بناغەی خۆبواردن لە شەڕ و نەبوونی یەکگرتوویی لە بەرانبەر دوژمنی هاوبەش.

وتیشیان: ئەمڕۆ گەورەترین نەهامەتی جیهانی ئیسلام، پرسی فەلەستینە کە گەلێکی لە ماڵ و نیشتیمانی خۆیان ئاوارە کردووە.