کۆڕیادێک بۆ پرۆفیسۆر عیزه‌دین مسته‌فا ره‌سووڵ لە سنە بەڕێوە دەچێت

بڕیارە بە بۆنەی کۆچی دوایی پڕۆفیسۆر عیزەدین مستەفا ڕەسووڵ، کۆڕیادێک بۆ ئەو نووسەرە لە پەرواێزی پیشانگای نێونەتەوەیی کتێبی کوردستان لە شاری سنە بەڕێوە بچێت.

بە ڕاپۆرتی ئاژانسی هەواڵی مێهر بە گێڕانەوە لە ماڵپەڕی کتێبی کوردی، کۆڕیادی پڕۆفیسۆر عیزەدین مستەفا ڕەسووڵ، بە بەشداریی دوکتۆر سالار عوسمان بریکاری وەزارەتی ڕۆشنبیری و لاوانی حکوومەتی هەرێمی کوردستان و دوکتۆر بەختیار سەجادی سەرۆکی بەشی زمان و ئەدەبی کوردی زانکۆی کوردستان و بە ئامادەبوونی نووسەران و چالاکوانانی فەرهەنگیی کوردستان، کاتژمێر ٦:٣٠ی ئێوارەی ئەوڕۆ (شەممە ١٣ی ڕەزبەر) لە ژووری دانیشتنی هۆڵی گشتیی نۆهەمین پیشانگای نێونەتەوەیی کتێبی کوردستان لە شاری سنە بەڕێوە دەچێت.

شایانی باسە، عیزەدین مستەفا ڕەسووڵ نووسەر و توێژەری ناسراوی کورد، پاش تەمەنێک خزمەت بە زمان و ئەدەبی کوردی و نووسینی زیاتر لە ٨٠ کتێب لە بوارە جۆراوجۆرەکانی فەرهەنگی کوردی، ڕۆژی پێنجشەممە ١١ی ڕەزبەر (٣ی ئاکتەوبر) لە تەمەنی ٨٥ ساڵی لە شاری سلێمانی کۆچی دوایی کرد و لە گردی سەیوان ئەسپاردە کرا.

News Code 28685

نیشانەکان

بۆچوونی ئێوە

You are replying to: .
  • 1 + 10 =