دووهەمین فێستیڤاڵی کتێبی ساڵی کوردستان کۆتایی پێهات

دووهەمین فێستیڤاڵی کتێبی ساڵی کوردستان بە ناساندنی کەسانی هەڵبژاردە و شیاوی ڕێزنان لە شاری سەقز کوتایی بە چالاکییەکانی هێنا.

بە ڕاپۆرتی ئاژانسی هەواڵی مێهر، دووهەمین فێستیڤاڵی کتێبی ساڵی کوردستان رۆژی ڕابردوو (پێنج شەممە) لە هۆڵی ئیدارەی ئیرشادی شاری سنە بە ئامادەبوونی بەڕێوەبەری گشتیی نووسینگەی گەشەی کتێب و کتێب خوێندنەوەی وەزارەتی فەرهەنگ و ئیرشادی ئیسلامی و بەڕێوەبەری گشتیی ئیدارەی فەرهەنگ و ئیرشادی پارێزگای کوردستان و فەرماندار و بەرپرسانی شاری سەقز و هونەرمەندان و نووسەران و داهێنەرانی پارێزگا، بە ناساندنی کەسانی هەڵبژاردە و شیاوی ڕێزنان کۆتایی بە چالاکییەکانی هێنا.

بە وتەی بەڕێوەبەری دووهەمین فێستیڤاڵی کتێبی ساڵی کوردستان، ئەم فێستیڤاڵە لە پێناو پاڵپشتی لە نووسەران، وەرگێڕان، داهێنەران و بڵاوکەرەوەکانی پارێزگا و بۆ پاراستن و بەرزکردنەوەی شوناسی فەرهەنگی بە هاوکاری ئیدارەی گشتیی فەرهەنگ و ئیرشادی کوردستان، لە دووهەمین خولی کاریی خۆی پاش دوو قۆناغ داوەری ٢٢ بەرهەمی وەک بەرهەمی هەڵبژاردە و شیاوی ڕێزنان لە نێوان ٤٣٢ کتێبی بەشدار بوو لە ٤٦ بڵاوکەرەوەی پارێزگا، خەڵات کرا.

ڕەزا شەجیعی بە ئاماژە بە مەودای زەمانی ٨ ساڵە لە گەڵ یەکەم خولی ئەو فێستیڤاڵە کە لە شاری کامیاران بەڕێوە چووبوو، وتیشی: کتێبە بەشدار بووەکان بە سەر ١٢ ئایتێمدا کە بریتی بوون لە شیعر، چیرۆک و ڕۆمان، ڕەخنە و توێژینەوە، وەرگێڕانی ئەدەبی، هونەر و نژیارڤانی، مێژوو و جوگرافیا، زمانناسی و زمانی کوردی، شانۆنامە، ئایین و فەلسەفە، دەروونناسی و کۆمەڵناسی، یاسا و سیاسەت و ئەدەبی منداڵان، دابەش کران و لەمناوە ئەدەبی منداڵان زۆرترین و یاسا و سیاسەت کەمترین ئاستی بەشداریان بوو.

شەجیعی لیژنەی داوەرانی ئەم خولە لە فێستیڤاڵی کتێبی ساڵی کوردستانی بە گوێرەی خوارەوە ڕاگەیاند: سۆران حسێنی و لەیلا ساڵحی لە بەشی ئەدەبی منداڵان، د.عەبدوڵڵا لەتیفپوور و د.محەمەد ڕەحیمیان لە بەشی چیرۆک و ڕۆمان، د.محەمەد یەعقووبی و د.بەدریە قەوامی لە بەشی شیعر، د.ئەحمەد ئەحمەدیان و وریا غەفووری لە بەشی وەرگێرانی ئەدەبی، ئەمجەد غوڵامی و د.نەجمەدین جەباری لە بەشی ڕەخنە و توێژینەوە، د.زانیار نەقشبەندی و د.مەنیژە میرموکری لە بەشی زمانناسی و زمانی کوردی، د.فارس باقری و بەختیار پەنجەیی لە بەشی شانۆنامە؛ د.ئازاد فەلاحی لە بەشی یاسا و سیاسەت، د.حەمیدڕەزا ئەردەڵان و فەردین سادق‌ئەیووبی لە بەشی هونەر و نژیارڤانی، د.نەوید نەقشبەندی و د.کەیوان بولەندهیمەتان لە بەشی ئایین و فەلسەفە، د.فەرەیدوون نووری و د.محەمەد شێخ ئەحمەدی لە بەشی مێژوو و جەگرافی و د.نێعمەت عزیزی لە بەشی کۆمەڵناسی و دەروونناسی.

ئەنجامی داوەری:

ئا- هەڵبژاردەکان:

١- هونەر و نژیارڤانی:

- "ماڵە کۆنەکانی سنە" بەرهەمی ئیبراهیم زارعی

- "نژیارڤانی و داڕشتەی شاری سقز" بەرهەمی ڕەزا قادر بیگ‌زادە

٢- مێژوو و جوگرافیا:

- "چاوخشاندنێک بە جوگرافیای سیاسیی کوردستانی عێراق" بەرهەمی مەحموود موبارەکشاهی

- "شەڕ و دیپلۆماسی لە سەر دابەش کردنی کوردستان" بەرهەمی ساڵح ئەمین پوور

٣- وەرگێڕانی ئەدەبی:

- "هەرا و تووڕەیی" بەرهەمی ویلیام فاکنێر لە وەرگێڕانی محەمەد ڕەمەزانی

٤- زمانناسی و زمانی کوردی:

- "زمان و وێژەی کوردی" بەرهەمی مەزهەر ئیبراهیمی و بەختیار سەجادی

- "وشەناسی زمانی کوردی" بەرهەمی سەعید کەرەمی

٥- ڕەخنە و توێژینەوە:

- "شانامەی کوردی؛ ڕووسەم و زووراو" بەرهەمی بێهرووز چەمەن ئارا

- "مێژووی ئەدەبی کوردی" بەرهەمی جەماڵ ئەحمەدی

٦- چیرۆک و ڕۆمان:

- "گابۆر" بەرهەمی سەید قادر هیدایەتی

٧- شیعر:

- "کراکە" بەرهەمی ڕەزا عەلی‌پوور

٨- ئەدەبی منداڵان:

- "دڕۆن خۆیان بشارنەوە" بەرهەمی مازیار حەسەنعەلی

- "ژیان چیه" بەرهەمی ئوسکار بێرنی‌فیه لە وەرگێڕانی کافیه جوانڕوودی

لە بەشەکانی شانۆ، ئایین و فەلسەفە، دەروونناسی و کۆمەڵناسی و یاسا و سیاسەت هیچ بەرهەمێک شیاوی خەڵاتی هەڵبژاردە دیاری نەکرا.

ب- شیاوی ڕێزنان:

١- هونەر و نژیارڤانی:

- "شوناسی فەرهەنگی و سینەمای کورد" بەرهەمی خوسرەو سینا

٢- مێژوو و جوگرافیا:

- "گۆڕانکارییەکانی گەڕووس لە میانەی شەری جیهانی یەکەم" بەرهەمی محەمەد مەریوانی

٣- وەرگێڕانی ئەدەبی:

- "مەم و زین" بەرهەمی ئەحمەد خانی لە وەرگێڕانی عەبدولخالق ڕەحمانی

- "چوارینەکانی بابا تاهیر" لە وەرگێڕانی ڕەحیم لوقمانی

٤- شانۆنامە:

- "سێ شانۆنامە بۆ منداڵان" بەرهەمی موفیدە مەزهەر

٥- دەروونناسی و کۆمەڵناسی:

- "کۆمەڵناسی ئایین" بەرهەمی خالید عەلیزادە

٦- ئایین و فەلسەفە:

- "سەرچاوە مەعریفییەکان لە بیرۆکەی ئاییندا" لە وەرگێڕانی زاهید وەیسی

٧- ڕەخنە و توێژینەوە:

- "پیشه کۆنه‌کانی شاری سنه" بەرهەمی فەرەیدوون حسێن‌پەناهی

٨- چیرۆک و ڕۆمان:

- "سەمفۆنی با" بەرهەمی جەبار شافعی زاده

٩- شیعر:

- "چارەکێ بۆ نسیان" بەرهەمی کماڵ ئەمینی

- "خۆرێک ئەدەمە بن دەستم" بەرهەمی یوونس حسێنی

١٠- یاسا و سیاسەت:

- "یاسای گەلان" بەرهەمی ئەسعەد ئەردەڵان

١١- ئەدەبی منداڵان:

- "چیروکی شی و شه‌هی" بەرهەمی عەبدولحەمید و سۆران سەجادی

- "پەڵکە زێرینە" بەرهەمی فەرزاد حەسەن زادە

لە بەشی زمانناسی و زمانی کوردی هیچ بەرهەمێک شیاوی خەڵاتی هەڵبژاردە دیاری نەکرا.

News Code 27602

نیشانەکان

بۆچوونی ئێوە

You are replying to: .
  • 4 + 2 =