شەقامەکانی شاری سنە بە ناوی ناودارانی کورد دەڕازێتەوە

سەرۆکی شۆڕای ئیسلامی شاری سنە لە ڕازاندنەوەی پێنج شەقامی ئەو شارە بە ناوی ناودارانی کورد هەواڵی دا.

بە ڕاپۆرتی ئاژانسی هەواڵی مێهر، سەید غەریب سەجادی وێرای ڕاگەیاندنی ئەو هەواڵە، وتی: لە دوا دانیشتنی شۆڕای ئیسلامی شاری سنە بڕیار درا کە پێنج شەقامی ئەو شارە بە ناوی ناوداران و بلیمەتانی بواری مۆسیقای کوردی بڕازێتەوە.

سەرۆکی شۆڕای ئیسلامی شاری سنە، وتیشی: ئەو کەسایەتییە ناودارانەی کە بڕیارە ناویان لە سەر پێنج شەقامی شاری سنە بنەخشێندرێت بریتین لە ماۆستایان مەزهەر خالقی، حەسەن کامکار، بنەماڵەی کامکارەکان، عەبدەلیبییەکان و یووسف زەمانییەکان.

ناوبراو ئامانج لەو کارەی زیندووڕاگرتنی ناوی ناوداران و بلیمەتان و بەرزنرخاندنی خزمەتەکانیان بە فەرهەنگ و مێژووی کورد و شاری سنە ڕاگەیاند و زیادی کرد: ناوداران و بلیمەتانی هەر گەلێک شوناس و ناسنامەی ئەو گەلەن و بەرەکانی داهاتوو لە رێگەی گەورەکانیانەوە گەلی خۆیان دەناسن.

News Code 27181

نیشانەکان

بۆچوونی ئێوە

You are replying to: .
  • 5 + 5 =