حەماس هەڕەشەی بوردومانی تێلاڤیڤ دەکات

ئەمینداری گشتی بزووتنەوەی جیهادی ئیسلامی فەلەستین جەختی کرد کە لە ئەگەری بەردەوامیی پێکدادانەکان لە گەڵ ئیسرائیل، گرووپەکانی بەرخۆدان، تێلاڤیڤ بوردمان دەکەن.

بە ڕاپۆرتی ئاژانسی هەواڵی مێهر لە ئەلمەیادین، زیاد النخالە ئەمینداری گشتی بزووتنەوەی جیهادی ئیسلامی فەلەستین لە لێدوانێکدا وتی: دوژمنی زایۆنی خەڵکی سڤیلی لە غەزە کردە ئامانج تا گوشار بخاتە سەر بەرخۆدان . ئەوەی لە غەزە ڕووی دا، نمایشێک بۆ ئامادەیی بۆ شەڕ لە گەڵ دوژمنە کە بە دڵنیایەوە دەیبینین.

ناوبراو درێژەی دا: ڕێککەوتنگەلێک لە نێوان گرووپە فەلەستینییەکان کراوە لە پێوەندی لە گەڵ کاردانەوەی بەپەلە بە دەست درێژییەکانی ڕژێمی زایۆنی. ئێمە هاوڕێ لە گەڵ بزووتنەوەی حەماس لە قاهیرە بووین و بڕیاری هاوبەشەمان بۆ چالاک کردنەوەی ژووری ئۆپراسیۆنی هاوبەشی گرووپەکانی بەرخۆدان بۆ وەڵام بە دەست درێژییەکان دوژمن دا.

ئەلنوخالە زیادی کرد: هەرگیز ئیزن نادەین دوژمن بڕیاری نوێی خۆی بە سەر ئێمە بسەپێنێت و ماڵی هاووڵاتیانی فەلەستینی بوردمان بکات بە بێ ئەوەی کە وەڵامێک وەربگرێت. ئەگەر پێکدادانەکان درێژەی هەبێت، تەنیا چەند کاتژمێر تەواوی شارەکانی ئیسرائیل لەوانە تێلاڤیڤ بوردمان دەکەین.

ناوبروا زیادی کرد: ڕێپێوانی گەڕانەوە ڕاناگیردرێت و ئیسرائیل ئەبێ پێبەندی ڕێککەوتنەکانی قاهیرە بێت. پێبەندی ڕژێمی زایۆنی بە ڕێککەوتنەکان بووە هۆی ئەوەی کە پێکەوە لە گەڵ پێکدادانەکان ڕێک بکەوین.

نوخالە درێژەی دا: سەرەکی ترین خواستی ئێمە لە ئەم قۆناغەدا، هەڵوەشاندنەوەی گەمارۆ و ڕاگرتنی دەست درێژییەکان دژی ڕێپێوانی گەڕانەوەیە. پێش بینی ئێمە ئەوەیە کە بە هۆی هەوڵەکان بۆ داماڵینی چەکی بەرخۆدان لە غەزە، هاوینی ئەمساڵ شەڕ ڕوو بدات.

ناوبراو وتی: هەوڵگەلێک کە دردرێن، بۆ کۆنترۆڵی کەرتی غەزە و داماڵینی چەکی بەرخۆدانە. ئێمە وەکوو رەوتی بەرخۆدان لە غەزە، تۆکمە و بە ئامادەیی تەواوەوە هەر جۆرە  دەست درێژی و هێرشێک دژی غەزە وەڵام دەدەینەوە.

ناوبراو زیادی کرد: ئێمە هەمیشە لە گەڵ کۆماری ئیسلامی ئێران و حزبوڵڵای لوبنان لە پێوەندی بووین و لە گەڵ ڕێبەرەکانی ئەو حیزبە دیدار دەکەین. پرسی بەدیل گیراوانی فەلەستینی لە سەرووی یەکمایەتییەکانی ئێمەیە. دەست خۆشی لە قەتەر دەکەین بە بۆنەی یارمەتی دارایی بە کەرتی غەزە.

News Code 26403

نیشانەکان

بۆچوونی ئێوە

You are replying to: .
  • 5 + 11 =