ترامپ ڕازی بووە بە مانەوەی ٤۰۰ سەربازی ئەمریکا لە سووریا

 لە حاڵێکدا لە ڕۆژانی پێشوو هەواڵی مانەوەی ۲۰۰ سەربازی ئەمریکا لە سووریا بڵاو بوویەوە، مێدیاکان باسی ئەوە دەکەن کە ترامپ ڕازی بووە بە مانەوەی ٤۰۰ سەربازی ئەم وڵاتە لە سووریا.

بە ڕاپۆرتی ئاژانسی مێهر لە ڕۆیترز، دۆناڵد ترامپ سەرۆک کۆماری ئەمریکا ڕەزایەتی داوە بە مانەوەی ٤۰۰ سەربازی ئەمریکا لە سووریا.

 پێشتر بڕیار بوو کە تەنیا ۲۰۰ سەربازی ئەمریکایی لە سووریا بمێنێتەوە و پێنتاگۆن بۆ کشانەوە لە سووریا پلانی داڕشتبوو.

بە پێی لێدوانی مێدیاکان، ئەم ژمارەیە لە هێزەکانی ئەمریکا لە چوارچێوەی هێزێکی چەند نەتەوەیی لە باکووری سووریا جێگیر دەبن و ناوچەیەکی ئەمن ساز دەکەن.

ناتۆ بڕیار وایە لە نێوان ٨۰۰ بۆ هەزار و پێنسەد سەرباز لە ژێر ناوی هێزی چاودێڕی و پاسەوانی لە ناوچەکە جێگیر بکەن.

ئامانجی ئەم هێزانەش ساز کردنی ناوچەیەکی ئەمن لە نێوان تورکیا و هێزە کوردییەکانی سوویایە تاکوو شەڕ لە نێوان ئەم دوو بەرە ساز نەبێت

News Code 25192

نیشانەکان

بۆچوونی ئێوە

You are replying to: .
  • 9 + 7 =