ڕەنگدانەوەی جەژنی چلەمین ساڵوەگەری شۆڕشی ئیسلامی لە میدیاکانی جیهان

هاوکات لە گەڵ بەڕێوەچوونی رێپێوانی بەربڵاوی جەماوەری ئێران لە چلەمین ساڵوەگەری سەرکەوتنی شۆڕشی ئیسلامی ئێران، میدیاگەلی بیانی بەشداریی ملیۆنیی خەڵکیان لەو ڕووداوە گرینگە ڕۆماڵ دا.

بە ڕاپۆرتی ئاژانسی هەواڵی مێهر، میدیاگەلی بیانی بەشداریی ملیۆنیی خەڵکیان لە ٢٢ی رێبەندان گرینگە ڕۆماڵ دا کە لە خوارەوە ئاماژەیان پێ دەدرێت:

هەواڵنێری کەناڵی لوبنانی "المیادین" هەر لە کاتژمێرە سەرەتاییەکانی ڕێوڕەسمی بەرزڕاگرتنی چلەمین ساڵوەگەری شۆڕشی ئیسلامی، لە ڕاپۆرتێکی تێروتەسەلدا ڕوانییە لایەنی مێژوویی و بەشداریی گەرم و گوڕی خەڵکی و ڕایگەیاند: ملیۆنان ئێرانی بە بەشداریی لە رێپێوانی جەماوەریی چلەمین ساڵوەگەری سەرکەوتنی شۆڕشی ئیسلامی بە هەڵدانی دروشمی مەرگ و نەمان بۆ ئەمریکا و ئیسرائیل، سەرکەوتنی شۆڕشی ئیسلامیان جەژن گرت.

کەناڵی تەلەڤیزیۆنیی "روسیاالیوم"ی ڕووسیاش ڕایگەیاند: تاران و شارەکانی دیکەی ئێران شایەدی بەڕێوەچوونی رێپێوانی سەرکەوتنی شۆڕشی ئیسلامی بوون. لەو ڕێوڕەسمە مووشەکگەلی بالیستیکی نمایش دران.

"سپۆتنیک"ی ڕووسیاش بڵاوی کردەوە: حەسەن ڕۆحانی سەرۆک کۆماری ئێران لە میانەی ڕێوڕەسمی رێپێوانی چلەمین ساڵوەگەری سەرکەوتنی شۆڕشی ئیسلامی لە مەیدانی ئازادی تاران وێرای ئاماژە بە پێداگریی وڵاتەکەی بۆ گەشە و تۆکمەکردنی توانستی سەربازی و پلانی مووشەکیی بالیستیکی سەرەڕای گوشارەکانی دوژمنانی ئێران وتی: ئێمە لەوبارەیەوە مۆڵەت لە کەس وەرناگرین و بەردەوام دەبین لە رێگە و توانستی سەربازیمان.

هەواڵدەریی "المعلومه"ی عێراق ڕایگەیاند: رێپێوانی ملیۆنی چلەمین ساڵوەگەری سەرکەوتنی شۆڕشی ئیسلامی لە مەیدانی ئازادی بە گەڵبارانی بەشداربووانی ئەو رێپێوانە و بەشداریی سەدان میوانی دەرەکی لە دەیان وڵات و سەدان هەواڵنێری ناوخۆیی و دەرەکی درێژەی بوو.

"اسرار الاسبوع"ی میسریش وێرای ئاماژە بە نمایش درانی مووشەکگەلی بالیستیکی لە چلەمین ساڵوەگەری سەرکەوتنی شۆڕشی ئیسلامی، ڕایگەیاند: واشنتۆن چالاکیگەلی مووشەکی ئێران بە پێشێل‌کەری بڕیارنامەی ئەنجومەنی ئاسایش دەزانێت.

هەروەها "العهد"ی لوبنان بڵاوی کردەوە: خەڵكی لە جێ جێی ئێران سەرەڕای ساردبوونی هەوا و بەفر و باران لە هەندێک لە ناوچەکان، بە شێوەیەکی بەربڵاو بەشداری رێپێوانی چلەمین ساڵوەگەری سەرکەوتنی شۆڕشی ئیسلامی بوون.

"فلسطین الیوم"یش ئاماژەی بەوە دا: سوپای پاسدارانی شۆڕشی ئیسلامی ئێران بە بۆنەی چلەمین ساڵوەگەری سەرکەوتنی شۆڕشی ئیسلامی مووشەکگەلی بالیستیکی‌یان نمایش دا. هاوکات رۆژی ٢٢ی رێبەندان تاران و شارەکانی دیکەی ئێران شایەدی بەڕێوەچوونی رێپێوانی جەماوەری بۆ ساڵوەگەری سەرکەوتنی شۆڕشی ئیسلامی بوون.

کەناڵی "المنار"ی لوبنانیش ڕایگەیاند: رێپێوانی ملیۆنی چلەمین ساڵوەگەری سەرکەوتنی شۆڕشی ئیسلامی بە هەڵدانی دروشمی "شانازی دەکەین بە دەسکەوتەکانی چل ساڵەی شۆڕشەکەمان" و "بە داهاتووی وڵاتمان هیوادارین" بەڕێوەچوو.

"النشره"ی لوبنان وتەکانی حەسەن ڕۆحانی لە چلەمین ساڵوەگەری سەرکەوتنی شۆڕشی ئیسلامی سەبارەت بە درێژەی پیلانەکانی ئەمریکا و ڕژیمی زایۆنی ڕۆماڵ دا.

"هەواڵدەریی سووریا (سانا)" بە ئاماژە بە بەڕێوەچوونی رێپێوانی ملیۆنی چلەمین ساڵوەگەری سەرکەوتنی شۆڕشی ئیسلامی لە جێ جێی ئێراندا و بەشداریی ٢٠٠ ملیۆن میوانی بیانی و لەوان کەسایەتیگەلی سیاسی، ئایینی، وەرزشی و زانکۆیی لە وڵاتانی جۆراوجۆری جیهان و بەشداریی ٦٥٠٠ هەواڵنێر کە ٣٠٠ لەوان هەواڵنێرانی بیانی بوون و نمایش درانی مووشەکگەلی بالیستیکیی قەدەر، قیام و زەلفەقار، ڕایگەیاند: ئێران سیاسەتێکی سەربەخۆی بە پێوەری نیازپاکی لە هاوڕێتی و دراوسێتی هەمبەر بە هەموو وڵاتان گرتۆتە بەر و پێداگرە لە یەکگرتوویی ئیسلامی و پاڵپشتی لە ئامانجەکانی فەلەستین و هاوکات لە بەرامبەر سیاسەتی دژبەرانەی ئەمریکا و ئیسرائیل وەستاوە.

کەناڵی هەواڵی "CNN"ش بە دانانی مانشێتی "چلەمین ساڵوەگەری سەرکەوتنی شۆڕشی ئیسلامی" و بە ئاماژە بە چەندین دەیە ناکۆکیی نێوان ئێران و ئەمریکا بیری هێنایەوە: ئێران هێشتاش پێداگرە لە تەسلیم نەبوون لە بەرامبەر ئەمریکا و گوشارە نێودەوڵەتییەکان.

"ڕۆیتێرز" ڕوانییە گوتاربێژیی سەرۆک کۆماری لە ڕێوڕەسمی ساڵوەگەری سەرکەوتنی شۆڕشی ئیسلامی و نووسی: ئێران بەردەوامە لە بەرزکردنەوەی هیزی سەربازی و پلانی مووشەکی بالیستیکیی خۆی. حەسەن ڕۆحانی لەو ڕێوڕەسمە ڕوو لە دەیان هەزار کەس لە بەشداربووانی ڕێپێوانی ٢٢ی رێبەندان لە مەیدانی ئازادی وتی: ئێمە بۆ دروست کردنی مووشەک مۆڵەتمان لە کەس وەرنەگرتووە و وەرناگرین و درێژە دەدەین بە رێگەی خۆمان و هێزی سەربازیمان.

کەناڵی تەلەڤیزیۆنیی "فڕانس ٢٤" لە ڕاپۆرتی تایبەتی خۆی لەبارەی رێپێوانی چلەمین ساڵوەگەری سەرکەوتنی شۆڕشی ئیسلامی ڕایگەیاند: کاتێک ئیمام خومەینی (رە) لە ساڵی ١٩٧٩ حکوومەتی شای ڕووخاند و شۆڕشی ئیسلامی سەرکەوت، کەس بڕوای نەدەکرد ئەو شۆڕشە ٤٠ ساڵ درێژە بخایێنێت. بەڵام ئەوە ڕووی دا و ئەمڕۆ ساڵوەگەری چلەمین ساڵی سەرکەوتنی بوو.

رۆژنامەی زایۆنیی "هائارتس" بە ئاماژە بە جەژنی چلەمین ساڵوەگەری شۆڕشی ئیسلامی بە رێبەرایەتیی ئیمام خومەینی (رە) لە ئێران، دانی بەوەدا نا: سەرەڕای کێشەگەلی سیاسی و ئابووری لە بەردەم ئەو وڵاتە، هیچ نیشانێک لە ڕووخان و لە ناوچوون نییە.

"ئاسۆشیتدپرێس" لە ڕاپۆرتی خۆی لە ژێر ناوی "ئێرانییەکان ساڵوەگەری سەرکەوتنی شۆڕشی ١٩٧٩یان بەرز ڕاگرت" نووسی: سەدان هەزار کەس لە تاران و شارەکانی دیکەی ئێران ڕژاونەتە سەر شەقام تا چلەمین ساڵوەگەری سەرکەوتنی شۆڕشەکەیان لەو وڵاتەدا بەرز ڕابگرن.

"هەرواڵدەریی فەڕەنسا"ش بە شوبهاندنی شۆڕشی ئیسلامی بە بوومەلەرزیەکی سیاسی کە چل ساڵ لەوە پێش بینای هەزار ساڵەی پادشایی لە ئێران هەڵتەکاند و زایەڵەی بە گوێی جیهاندا زرینگایەوە، ڕایگەیاند: خەڵکی ئێران سەرەڕای داکردنی باران بەشداری ڕێپێوانی ٢٢ی رێبەندان بوون و دەوڵەت ئەمساڵ بەهایەکی زۆری داوە بە چلەمین ساڵوەگەری سەرکەوتنی شۆڕشی ئیسلامی کە هێمایەکە بۆ تێپەڕاندنی قۆناغێکی مەزن و بیرهێنەرەوەی تەمەنی بە پێغەمبەر هەڵبژاردرانی حەزرەتی محەمەد (س‌خ)ـه.

News Code 24943

نیشانەکان

بۆچوونی ئێوە

You are replying to: .
  • 1 + 1 =