٥ مامۆستای زانکۆی تاران لە ڕیزی باڵاترین زانایانی جیهان

بە گوێرەی دوا ئامارە بڵاوکراوەکان لە ڕێکخراوی کلاریویت ئانالیتیکس پێنج مامۆسیای پەردیسی زانستگەلی زانکۆی تاران چوونەتە ڕیزی زانایانی یەک لە سەدی سەرتری جیهان.

بە ڕاپۆرتی ئاژانسی هەواڵی مێهر بە گێڕانەوە لە زانکۆی تاران، دوا ئامارە بڵاوکراوەکان لە ڕێکخراوی کلاریویت ئانالیتیکس هاوپەیوەند بە زانایانی یەک لە سەدی سەرتری جیهان، لەم دواییەدا ناوی ٥ مامۆستای پەردیسی زانستگەلی زانکۆی تارانی خستۆتە ناو لیستی زانایانی یەک لە سەدی. 

محەمەد ڕەزا گەنجعەلی، پەرویز نەورووزی و فەرنووش فەریدبەد لە کولێژی کیمیا، سیامەک یاسەمی و حەسەن یووسفی ئازەری (مامۆستا خانەنشین) لە کولێژی بیرکاری، ئامار و زانستگەلی کەمپیوتێری پەردیسی زانستگەل ئەو مامۆستایانەن کە لە لیستی ٢٠١٨ی زانایانی یەک لە سەدی سەرتری جیهان ناویان لێ براوە.

زانیارییەکانی ڕێکخراوی کلاریویت ئانالیتیکس هەر دوو مانگ جارێک ئاپدەیت دەکرێتەوە و لە ڕاگەیاندنی پلە و ئاماری کەسانی هەڵبژاردراوە، چالاکییەکانی ئەو کەسانە لە ماوەی ١٠ ساڵدا لە بەرچاو دەگیردرێت و زانایان و ناوەندەکان بۆ ئەوەی ناویان بچێتە ڕیزی توێژەران و زانکۆگەلی سەرتری جیهان دەبێ لە بابەتی سەردان و ڕێفرێنس پێدان لە یەک لە سەدی سەرەوەی لیستەکەدا بن و لە بابەتی وڵات و گۆڤارەکان لە ڕیزی لە سەدا ٥٠ی لیستەکەدا ناویان هاتبێت. 

News Code 24189

نیشانەکان

بۆچوونی ئێوە

You are replying to: .
  • 2 + 5 =