پێویستە به‌غدا گوشار بخاته‌ سەر ئۆردۆن بۆ ڕاگرتنی یادی سه‌دام

په‌رله‌مانتارێکی عێراقی بە ناڕەزایەتی دەربڕین بە بەڕێوە بردنی بەرز ڕاگرتنی یادی سەدام لە ئۆردۆن، داوای لە دەوڵەتی بەغدا کرد تا گوشار بخاتە سەر بەرپرسانی ئەو وڵاتە بۆ ڕاگرتنی ئەو شێوە کۆنفڕانسانە.

بە ڕاپۆرتی ئاژانسی هەواڵی مێهر لە سومیە نیوز، بەڕێوە بردنی کۆنفڕانسی بەرز ڕاگرتنی یادی سەدامی گۆڕاوگۆڕ لە ئۆردۆن ناڕەزایەتی یەکێک لە پەرلەمانتارەکانی عێراقی بەدواوە بوو.

بە پێی ئەم ڕاپۆرتە، ئەو پەرلەمانتارە وێڕای ئیدانە کردنی بەڕێوە بردنی ئەو کۆنفڕانسە، داوای لە بەغدا کرد تا بە گوشار خستنە سەر ئەمان، بەستێن بۆ ڕاگرتنی ئەو چەشنە کۆنفڕانسانە خۆش بکات.

ئەو پەرلەمانتارە ڕایگەیاند کە دەوڵەتی بەغدا بە هۆی پێوەندی ئابوور و بازرگانی لە گەڵ ئۆردۆن ئامێری گرنگی بۆ گوشار هێنان بە دەستەوەیە و دەتوانێت کۆنفڕانسی بەرز ڕاگرتنی یادی سەدام بە ئەو گوشارانە، ڕابگرێت.

شیاوی باسە، هەموو ساڵێک لە ڕێکەوتی ٣٠ دیسەمبەر بە بۆنەی ساڵڕۆژی ئیعدامی سەدام، کۆنفڕانسگەلێک بۆ بەرز ڕاگرتنی ناوبراو و پلە و پایەی لە ئۆردۆن بەڕێوە دەچێت و دەزگا ئەمنییەکان هیچ هەوڵێک بۆ ڕاگرتنی نادەن.

News Code 24052

نیشانەکان

بۆچوونی ئێوە

You are replying to: .
  • 3 + 12 =