بە ڕاپۆرتی ئاژانسی مێهر، سەید مەحمود عەلەوی، دوێنێ شەو ڕایگەیاند کە گرووپێکی چوار کەسی لە تیرۆریستەکانی داعش لە باشووری ڕۆژئاوای ئێران دەستگیر کراون. برای یەکێک لەم تیرۆریستانە لە سووریا و لە بەرەی داعشییەکان کوژراوە. ئەم گرووپە تیرۆریستییە دوێنێ دەستگیر کران.
ئەو زیادی کرد: ئەم گرووپە لە دوای ئەوە بوون لە چەند شوێنێکدا کاری تیرۆریستی بکەن کە دەست بەجێ دەستگیر کران.
وەزیری ئیتلاعاتی ئێران سەبارەت بە گەندەڵیش ئاماژەی دا: بەهەموو هێزمانەوە ڕووبەڕووی گەندەڵی دەبینەوە و ئامادەین هەموو جۆرە خزمەتێکی وڵاتەکەمان بکەین.
وتیشی: چالاکی ئابووری پێویستی بە ئەمنیەته‌وه هەیە، وەزارەتی ئیتلاعات بەردەوام بۆ به‌ره‌نگاریی گەندەڵ و قاچاخ، چالاکی هەبووە و کۆڵ نادات.
عەلەوەی هەروەها ڕایگه‌یاند: وەزارەتی ئیتلاعات لە یەک ساڵی ڕابردوودا زیاتر لە ۲۱ هەزار ملیار تمەنی لە ڕێگەی کەیسی گەندەڵی و بەدوادا چوون بۆ گه‌نده‌ڵی، بۆ سەندوقی دەوڵەت گەڕاندووەتەوە.
Your Comment