بە ڕاپۆرتی ئاژانسی مێهر، لە شاری ئەهواز لە باشووری ڕۆژئاوای ئێران شارەوانی و پۆلیسی ناخۆی ئەم شارە چەندین کاری جوانیان بۆ منداڵانی تووش بوو بە شێرپەنجە ئەنجام داوە.
عەباس کوڕێکی ١٣ ساڵانە کە تووشی شێرپەنجە بووە و خەونی ئەوەی هەبووە کاتێک گەورە بوو ببێتە فەرماندەیەکی باڵای پۆلیسی ناوخۆ لە ئێران، هەر بەم هۆیەشەوە پۆلیسی شاری ئەهواز یەک ڕۆژی تەواوی بۆ بەدی هێنانی خەونی ئەم منداڵە تەرخان کرد و لەم یەک ڕۆژەدا ئەو وەک فەرماندەی گشتی پۆلیسی ناخۆی شاری ئەهواز ئەرکی فەرماندەیی بە جێهێناوە و تەنانەت بە سواری باڵەفڕ گەشتی ئاسمانی خۆیشی وەک فەرماندە ئەنجام داوە.
هەروەها بەشیری ١٢ ساڵانیش کە تووشی نەخۆشییەکی سەخت بووە و دەرمانی نییە، خۆزگەی خواستووە کە شارەکەیان بە پاکی و خاوێنی ببینێت و هەر بەم هۆیەوە شارەوانی شاری ئەهواز و سەرجەم دەسگه‌ڕه‌کانی ئەم شارە پێکەوە شاریان خاوێن کردە و دواتر لە ناوەندی شارەکەدا قاڵییەکی سووریان بۆ بەشیر ڕاخستووە تاکوو لە ڕۆژێک ژیان لە شارێکی پاک و بی گه‌رد چێژ ببات.
شایانی باسە کە ساڵانێکی زۆرە لە ئێران بۆ هاسۆزی لەگەڵ منداڵانی تووشبوو بە شێرپەنجەوە کاری جوان و بەنرخ دەکرێت و ساڵی رابردووش بۆ یەکەم جار لە ئێران مامۆستایەکی سەرەتایی شاری مەریوان بۆ ئەوەی هاوسۆزی لەگەڵ خوێندکارە شێرپەنجەییەکەی خۆی بکات، لەگەڵ کۆی منداڵانی وانەکە سەریان بە تێخ تاشی و ئەمە بووە هۆی دنگدانەوەیەکی گەورە لە ئێران و لەمەش بەدوا ناو بەناو کاری زۆر لەم شێوە بۆ منداڵانی تووشبوو بە شێرپەنجە دەکرێت.
Your Comment